AMED - Mudirîya Xizmetê Ciwan û Sporî ya Şaredarîya Peyasî, emser zî sey serra vîyarte, semedê wendekarê ke wazenê wareyê sporî de kariyerê akademîkî bidest bikerê, kursê amadekarî yê belaşî akeno.

 

Kursê amadekarî yê semedê Dibistana Berzî ya Perwerdeyî Bedenî û Sporî (BESYO) û Lîseya Sporî, bi hemkarîya Şaredarîya Bajarê Girdî ya Amedî û Komeleya “Semedê Ameyoxî Ma Tîya Yê” yenê organîzekerdiş. Muracat mabêne 21-30ê Nîsane de yenê qebûlkerdiş û kursî do 5ê gulane de dest pêbikerê. Semedê pêro wendekarê beşdarî, paştîdayîşê hacetê sporî zî bêrê peydakerdiş.

 

Par serkewtişêk pîl ame bidestkerdiş

 

Serra vîyarte de, 80 wendekarê ke beşdarê kursê amadekarî yê BESYO bîbî, 53 kesî ezmûn de bi ser kewtî û fakulteyê Mamostetiya Perwerdeyê Fîzîkî û Îdareyê Sporî de ca girewtî. Mîyanê nînan de wendekarêk bi sendromê Downî zî estbî ke bi dersê taybetî beşdar bibi û bi serkewtiş ezmûn derbaz kerd.

 

Sewbîna, 120 wendekarê ke semedê Lîseya Sporî amadekarî dîbî, 70 kesî ezmûn de bi ser kewtî. Şaredarîya Peyasî bi nê projeyî paştîdayîşêk muhîm dana ciwanên ke wazenê wareyê sporî de perwerdeyê xo bidomnê û kariyerê akademîk bi dest bikerê.