STENBOL - Goreyê raporê Meclisê ÎSÎG’î, mîyanê 13 serran de tewr tay 852 tutî demê karî de dinyaya xo bedelnayî. 

 

Meclisê Weşîye Karkeran û Asayîşê Karî (ÎSÎG), “Raporê Cînyaetê Karî yê Tutan” ê mabêne 2013 û 2026’ine de eşkera kerd. 

 

Rapor de ame vatiş ke mabêne nê serran de tewr tay 852 tutî demê karî de dinyaya xo bedelnayê. 

 

Ame dîyarkerdiş ke cînayetê karî yê tutan tewr zêde Riha de virazîya yo. Ame destnîşankerdiş ke nê tutan ra 122yê ci tutê kênayî û 730 zî tutê laj ê. 

 

Dewamê raporî de ame vatiş ke nê tutan ra se ra 52 demê karî ramitişî de ameyîne xebitnayîş dinyaya xo bedelnayê, se ra 13ine karê înşaatî, se ra 8ine karê cayê hewînî, se ra 7ine karê metalî û se ra 3ine zî demê karê wareyê xidayan de ameyîne xebitnayîş dinyaya xo bedelnayî. Ame vatiş ke tutî 291 înan emrê mabêne 5-14 serre de û 561 înan zî emrê mabêne 15 û 17 serre de bî.