AMED -16 baroyan, bi eşkerayîyêk bale ante bobelatê merdimî yê dorpêç û hêrişanê vera Kobanî û ame waştene ke berê sînorî ê Murşîtpinarî bêro akerdene.

 

16 baroyanê Kurdîstanî Semsûr, Agirî, Êlih, Çewlîg, Bedlîs, Dêrsim, Amed, Îdir, Colemêrg, Qers, Mardîn, Mûş, Sêrt, Riha, Şirnex û Wanî derheqê dorpêç û hêrişanê Rojava ser o eşkerayîyêka hempare weşanaye. Eşkerayî de ame dîyarkerdene ke pêkewtiş û krîzê merdimî Kobanî de taybetî zî seba cinî, kal û pîr, nêweş û sîvîlan resayê astêka krîtîk.

 

Baroyan, da zanayene ke resayîşê lazimatîyanê bingeyinî yê werdene, weşîye û sitare, temamî bi sînor bîyê û ame vatene ke heqê cuye yê sivîlan binê tehdîdêko girdî de yo. Baroyan, dîyar kerd ke girewtena berê sînorî yê Murşîtpinarî û astengkerdişê hetkarîya merdimî seba Kobanî binpaykerdişê huqûqê mîyanneteweyî û heqanê merdimî yo. Ame vatene ke nêbeno hetkarîya însanî semedê sebebanê sîyasîyan ewleyî bêra astengkerdene û dewletî mecbûrê ke sivîlan bipawê û resayîşê hetkarî garantî bikerê.

 

Baroyan, waşt ke lezabez berê sînorî tê Murşîtpinarî bêro akerdene û seba girewtişê vernîya felaketanê însanî yê girdan bêra girewtene, ganî hetkarî bêastengî derbas bibê. Baroyanê Herême vat, muracatê ma yê nuştekî do rayedaranê eleqedar rê bêro erşawitîş û ma bi rêzdarî raya pêroyî rê îlan kenê ke ma nê prosesî hem hetê qanûnî û hem zî hetê însanî de bi takîb bikerê.