ANQARA – Çapemenîya dinya hemverê hêrişê HTŞ, DAIŞ û komê paramîlîter ê girêdayeyê dewleta tirke yê Rojawanê Kurdistanî ser o bêveng a.

 

Hêrişê HTŞ, DAIŞ û komê paramîlîter ê girêdayeyê dewleta tirke yê Rojawanê Kurdistanî ser o dewam kenê. Balkêş o ke çapemenîya dinya hemverê nê hêrişan de bêveng a û ca nêdaya.

 

BBC yo ke Îngilistan de yo xeberêka bi sernameyê “Sûrîye û hêzê kurdan neqlkerd ke dimayê peymana adirbestî zî pêrodayîşî qewimîyayê” weşan kerd. Xebere de ame îdiakerdiş ke adirbestêk yewhetî ameyo mohrkerdiş û wina ame vatene: “Her di hetî zî yewbînan bi binpaykerdişê peymane tawanbar kenê. Na peymane bi aşman piştî peymana entegrasyonî ya Adara 2025ine ameya mohrkerdiş.”

 

France24 yê Fransayî zî bi sernameyê “Sûrîye û HSD’yî babeta adirbestî de pê kerd; DYA neql kerd ke têkoşînê hemverê DAIŞî sewîyeya gird de peynî bîyo” xeberêke weşan kerd. Balkêş o ke na xebere de qet ca nêda hêrişê hetê HTŞ’yî ra yenê kerdiş.

 

The New York Times, Deutsch Welle (DW), NBC û The Guardian zî dimayê adirbestê yewhetî, xebera xo de ca nêdayî hêrişê HTŞ, DAIŞ û komê paramîlîter.