ŞIRNEX - Ahmet Erçîlo 12 serre ke vizêrî kewtibi Çemê Dîcle û xeniqya bi, cenazeya ey ame vînayîş. 

 

Vizêrî qezaya Cizîrî ya Şirnexî de amebî îdiakerdiş ke Ahmet Erçîlo 12 serre demo ke waşto terlike xo bigîro, çem de xeniqyayo. Dimayê agahdarî tîmê îtfaîye yê Şaredarîya Cizîrî sewqî cayê hedîse bîyî û semedo ke tutî bivînê, bêmabêne dest bi cigêrayîşî kerdibî. Peynîya xebatanê cigêrayîşî de ewro serê sibayî cenazeya Ahmet Erçîlî ame vînayîş. 

 

Cenazeya Ahmet Erçîl dimayê cigêrayîşê dozgerîye yê cayê hedîse, semedê otopsî berdîya morgê Nêweşxaneyê Dewlete yê Cizîrî.