SÊRT - Çarçeweya 25ê Teşrîna Peyêne de TJA, dewanê qezaya Dihê ya Sêrtî de kombîyayîşan organîze kerd û bale ant muhîmîya azadîya cinîyan ser û azadîya Rayberê Şarê Kurdî Abdullah Ocalan ser.

 

Çarçeweya 25ê Teşrîna Peyêne Roja Têkoşînê Hemverê Şîdetê Cinîyan ê Mîyanneteweyî, Têgêrayîşê Cinîyanê Azad (TJA) taxanê Sarigul û Memîran ê qezaya Dihê ya Sêrtî de kombîyayîşan organîze kerd. Hemsereka Partîya Herêmê Demokratîkan (DBP) ya Sêrtî Naze Bulga, Hemşaredara Sêrtî ya ke cayê aye de qeyûm ame tayînkerdiş Sofya Alagaş, endama Meclîsê Partîya DBP’yî Gulşen Demîr û hemsereka DBP’yî ya Dihê Eda Kilis beşdarê kombîyayîşî bîy.

 

Gulşen Demîr, kombîyayîşî de qisey kerd û bale ante tarîxê 25ê Teşrîna Peyêne û dima ra zî derheqê azadîya cinî û azadîya Rayberê Şarê Kurdî Abdullah Ocalan ser o qisey kerd.

 

Naze Bulga zî qiseykerdişê xo de veng da beşdarbîyayîşê rayîrşîyayîşê 25ê Teşrîna Peyêne ke do Sêrt de bêro viraştiş.