MÊRDÎN - Qezaya Artûklû û Dêrikî yê Mêrdînî de 2 cinî bi guman dinyaya xo bedelnayî. 

 

Mêrdîn de 2 cinî bi guman dinyaya xo bedelnayî. Goreyê agahîyê ameyê bi destkerdiş dewa Girsarinçî ya Dêrikî de saetê şewe de cinîya bi nameyê Merve Demîr (18) bi guleyo ke ginabî sîneyê aye ro, dinyaya xo bedelnaye. Dimayê agahî dayîşî ekîbê weşîye û cendirme ameyî cayê hedîse. Cinîya ke birîndar bîbî wedarnayî nêweşxane û nêweşxane de dinyaya xo bedelnaye. Ame îdiakerdiş ke cinîya ciwane întîxar kerda û cenaze berdîya morgê nêweşxane.

 

Hedîseya bîne saetê serê sibayî de qezaya Artûklûyî ame ciwîyayîş. Cinîya 27 serrî ya bi nameyê Bayan Acabey cayêk berzî ra kewte û dinyaya xo bedelnaye. Dimayê agahî dayîşî ekîbê weşîye ameyî cayê hedîse û cenaze berdî morgê nêweşxane. 

 

Derheqê herdi merdişan de zî cigêrayîş ame destpêkerdiş.