AMED - Balîcanê bostanê ke bi hemkarîya Mudirîya Park û Baxçeyan û Mudirîya Polîtîkayê Cinîyan ê Şaredarîya Peyasî ameyî ramitiş, ameyî arêdayîş. Berardişê ke bi hewldayîşê hempar ameyî ramitiş, hetê cinîyan ra semedê wuşkkerdişî ameyî amadekerdiş û do rojê bêrê de çalakîya “Pêvînayîşê Keda Cinîyan” de ca bigîrê.

 

Balîcanê ke bostanê Meydanê Serayî yê şaredarîye de bi hemkarîya Mudirîyê Park û Baxçeyan û Mudirîyê Polîtîkayê Cinîyan ameyî ramitiş, ameyî arêdayîş. Berardişê ke hetê Hemşaredare Bêrîvan Gulşen Sîncar, endamê meclîsê şaredarî, hetkarê hemserekan û cinîyan ra ameyî arêdayîş, semedê wuşkkerdişî ameyî amadekerdiş.

 

Berardeyî do çalakîya “Pêvînayîşê Keda Cinîyan” de ca bigîrê

 

Berardeyê wuşkkerde do hetê şaredarî ra rojê bêrê de çalakîya “Pêvînayîşê Keda Cinîyan” ke do parkan de bêro organîzekerdiş, semedê rotişî bêrê pêşkêşkerdiş. Ameyîşo ke rotiş ra bêro bidestkerdiş do keyeyê cinîyê ke na xebate de ca girewtê rê bo.