STENBOL - Avûkate Bîlge Çarpici dîyar kerd ke qetilkerdişê cinîyan de huqûq xeylê xo hetê camêrdan de qerar dano û va: “Gumanbar nê, mexdurî yenê cezakerdiş.”

 

Şîdet û qetilkerdişê cinîyan her ke şino zêde beno. Semedê polîtîkayê bêcezaverdayîşî nê sûcî her ke şinê zêde benê. Endama Heyetê Îdareyê Komeleya Vernê de Cinî û Tutî, avûkate Bîlge Çarpici, derheqê prosesê hukmî yê dewayê cinî û tutan de JINNEWS’î rê qisey kerd.

 

Bîlge Çarpici dîyar kerd ke desteştişê şîdetê hemverê tutan de serê ci yeno girewtiş û va: “Tutê ke desteştiş înan rê yeno kerdiş, rewşe nêvanê, niminenê. Nê semedî ra zî problemê psîkolojîkî rî danê. Vera ke sûcdarî bêrê cezakerdiş, mexduran ceza kenê. Semedo ke vernîya nê bêro girewtiş, ganî şarî dir hişmendî bêro awankerdiş. Sûcêk bibo zî ganî huqûq de bêro cezakerdiş.”

 

‘Ganî tehrîkê bêheq perspektîfê huqûqî de bêro erjnayîş’

 

Bîlge Çarpici bale ant fînayîşê ‘tehrîkê bêheq’ ser o û va: “Wexto ke ma ewnîyenê, fistişê tehrîkê bêheq pêroyî semedê camêrdan pê anê. Cinîye qetil keno û vano, ez bi kesêk bînî dir xapênaya. Ma hîkayeyê wina vînenê. Ma ewnîyenê dayeyan ra hûmara cinîyê ke hetê camêrdan ra yenê xapênayîş zaf zêde ya. La cinî semedê nê camêrdan nêkişenê. Ma vînenê camêrdî xo sepernenê pey îxanetî û bi nê hawayî xo pawenê. Ganî fistişê tehrîkê bêheq perspektîfê huqûqî de bêro erjnayîş.”

 

Komeleya Ewil Cinî û Tutî çi ya?

 

Bîlge Çarpici dîyar kerd ke komela; semedê cinî û tutan destekê huqûqî û psîkolojîk dana û wina va: “Komele roj bi roje pîlêr bena. Komeleya ma de, psîkolog, avûkat, komelnas, mamoste û meslegê bînan ra zî xeylêk hevalê ma est ê. Ma tîya de xebatêke kolektîf kenê. Xeylê xo huqûqnasan ser o bêro vînayîş zî esas de ma xebatêke kolektîf kenê. 81 bajaran de sey komeleya Ewil Cinî û Tutî avûkatê ma est ê. Nê bajaran de şinê daxilê roniştişî benê. Ma têkoşînê xo dewam kenê.”