AMED - Hemşaredara Peyasî Bêrîvan Gulşen Sîncar, xebatê newekerdişî yê Parka 75ine û Medya kontrol kerd û derheqê qonaxo ke xebatan de ameyo bidestkerdiş de agahî girewt.

 

Semedo ke ewnîyayîş û tamîrkerdişê 7 parkê bîyaye nêamebî kerdiş, welatijî xeylêk probleman dir rî bi rî mendibî. Semedê newekerdişê nê parkan, Mudirîya Park û Baxçeyan dest bi xebatanê newekerdişî kerd û nê xebatî dewam ê. Hemşaredare Bêrîvan Gulşen Sîncar, pêwa endamê meclîsê şaredarîye û hetkarê hemşaredaran, xebatê parkan ser, rayîrê rayîrşîyayîşê sporî, wareyê boydayîşê, komê kayê tutan û wareyê zergûn ê Parka 75ine û Medya yenê kerdiş, cigêrayîş kerdî û derheqê projeyê plankerde de agahî girewtî.

 

Hemşaredare Bêrîvan Sîncar waşt ke xebate bi giranî mendebîyayîş ser o, feydeyîn, xesasîyetê ekolojîk û estetîkê kulturê bajarî bêrê vindertiş, temamkerdiş û park de hîna lez semedê şuxilnayîş û xizmetê şarî amade bibê. Aye wina va: “Rew ra yo ke 7 parkê ma de xebatê tamîrkerdiş û newekerdişî nêamebî kerdiş. Semedê şarê ma parkan de bi hawayêko baş û asayîş wextê xo derbaz bikerê, xebatê newekerdişî bibî lazimîyêk.”