MERKEZÊ XEBERAN - Yemen de tewr tay 5 hezar û 618 hezar cinî binpaykerdişan dir rî bi rî mendê û hezar û 479 cinî ameyî qetilkerdiş.

 

Yemen de serra 2015ine de şero ke mabêne hêzê dewlete û Hûsiyan de dest pêkerd, bi sebebê mergî, birîndarbîyayîş û koçkerdişî bi hezaran welatijan. Nê prosesê şerî de cinî bi hawayêko sîstematîk bi binpaykerdişê heqan dir rî bi rî mendî. 

 

Tora Heq û Azadîye ya Yemenî dîyar kerd ke çeleyî 2017ine heta nika 5 hezar û 618 cinî binpaykerdişê heqan dir rî bi rî mendê. Rapor de ame dîyarkerdiş ke cinî bi binpaykerdişê giran yê sey kiştiş, remnayîş, şîdetê fîzîkî û psikolojîk dir rî bi rî mendê. 

  

Rapor de mabêne 1ê çeleyî 2017ine heta 31ê temmuze 2024ine hezar û 479 ameyê kiştiş, 3 hezar û 398 cinî ameyê birîndarkerdiş, 547 kesî zî ameyê remnayîş, vînîkerdiş û şîdetê fîzîkî û psîkolojîkî dir rî bi rî mendê. 

 

Nê dir, raporî de ame dîyarkerdiş ke 176 cinî bi zor ameyê bi çekkerdiş. Eynî wextî de mabêne 1ê çeleyî 2017ine heta 31ê temmuze 2014ine hetê Hûsiyan ra 46 cinî ameyî qetilkerdiş, 211 cinî zî ameyî birîndarkerdiş.