MERKEZÊ XEBERAN - Têgêrayîşê Cinîyanê Hîlala Zêrîn bi eşkerayîyêke qetilkerdişê hunermende Diyala El Wadî şermezar kerd.

 

Hunermenda sûrîyeyije Dîyala Sulhî El Wadî 3yê tebaxe de keyeyê xo yê Şamî de kişte amî vînayîş. Têgêrayîşê Cinîyanê Hîlala Zêrîn derheqê kiştişê aye de vernîya merkezê xo yê bajarê Qamişlo de bi amedebîyayîşê endamê têgêrayîşî de eşkerayîyêke da. Eşkerayî bi ziwanê kurdî hetê endama têgêrayîşî Dilva Zoro ra û bi ziwanê erebî hetê endama têgêrayîşî Şêrîn Reşîd ra ame wendiş.

 

Eşkerayîye de ame dîyarkerdiş ke dimayê rijnayîşê rejîmê Baasî hêvîya şarê Sûrîye o bî ke cuyêka asayîş û aram virazîyo, la dimayê 14 serrê peyîn xoverdayîş û têkoşînê hemverê nê sîstemî de “hêvî bî ters, aramî bî kewas û edalet bî çinkerdişê heqê merdiman.

 

Vengê muzîkî çin kenê, perdeyê tîyatro dirnenê, dîmenê fîlman veşnenê, rengê cinîyan yeno sîyakerdiş. Pêro ganeyî yenê qetilkerdiş û tecawizkerdiş, Siwêdayî cinî qirkerdişî dir rî bi rî manenê. Amancê înan birnayîşê vengê huner û heqîqetî yo. Nê sûcê îqtîdarê Şamî sûcê hemverê merdimayî yê, hemverê cuye yê.

 

Vengdayîşê ma pêro sazgehê cinîyan rê yo; rolê xo nê wareyî de kay bikerê û semedê Sûrîyeyêke asayîş û têduştî Sûrîyêke merkezî û demokratîk, ma pîya semedê yewîya cinîyan û cuyêka azad tê bigêrê.”