Nazlican Nûjîn Yildiz

 

ÎZMÎR - Cinîyê ke reaksîyon vera îkramîyeyê teqawidbîyayîşî ke semedê roşanî yeno dayîş mojnayî û vatî: "Îkramîyeyê ke yeno dayîş qîmê şekirê roşanî nêkeno. Şar do senî debara xo bikero? Ganî şert û mercê teweqitan bêro başkerdiş." 

 

Semedo ke Tirkîya krîzê ekonomî kûrêr beno, debara cuya cinî, wendekar, karker, kedkar û teqawîtbîyaye her ke şino tewr xidar beno. Bi nêzdîbîyayîşê roşanî, bi taybetî zî teqawitî paweyê îkramiyeyî manenê. Kesê teqewitbîyayeyî reaksîyon vera nêzdîbîyayîşê îktîdarî mojnenê û vanê îkramîye xêrê xo ra nêdanê û heqê înan o. 

 

Cinîyê teqawîtbîyayeyî rewşe ser o ajansê ma JINNEWS'î rê qisey kerdî û bale antî serê waştişanê xo. 

 

'Îkramîye qîmê girewtişê şekirê roşanê nêkena'

 

Endama Sendîkaya Teqewîtan (Tûm Emeklî Sen) Fatma Kalyan, dîyar kerd ke waştişê înan ê bingehîn têkoşînê sendîkayan o û va: "Bê sendîka ma nêeşkenê heqê xo bipawê. Dimayê teqawidbîyayîşî semedê xeylêk vurnayîşê qerarnameyê ma heqê xo dest danê. Nê semeeî ra zêdekerdişê meaşan semedê teqawîtbîyayeyî her tim binê enflasyonî de yê. Semedo ke enflasyon rast nîno dayîş. Ma wazenê meaşê teqawîtbîyayîşê goreyê dayeyê enflasyonî bêrê hesabkerdiş û bi hawayêk însanî biciwîyê.”

 

Fatma Kalyan, dîyar kerd ke bi taybetî nêweşxaneyan de problemî yenê ciwîyayîş û va: "Roj bi roje vayîya dermanan zêde bena. Her aşmî ma zêdeyêr mexdûr benê. Nika roşan yeno. Do nika îkramîye bidê la na îkramîye qîmê girewtişê şekirê roşanî nêkena. Nê semedî ra ma sey kesê teqawîtî şert û mercê têduştî wazenê."

 

'Do çi biwerê û bişimê'

 

Mamosteya teqawîtbîyaye Asîye Yagan zî derheqê babete de wina va: "Ma wazenê bi însanî biciwîyê. Tutî şinê mekteb û şar bi zehmetî debara xo dike. Şima zanê, ma demêk derbaz kerd, ma senî serdemêk derbaz kerd? Tutî vêşan kewenê ra, nêeşkenê werdê saxlem biwerê. Penîr, zeytûn, şit, hakan nêeşkenê bigîrê. Ma nêeşkenê meaş bigîrê. Tezmînatê ma nînê dayîş. Ma bi meaşê xo nêeşkenê debara xo bikerê. Rewşa teqawidan zî xirabêr o. Kîra xora vîst hezarî ya. Elektrîk, awe, gazê xozayî, telefon, problemê weşîye. Nê semedî ra do çi biwerê û bişimê? Kes nê ser nêfikrîyeno. Ma wazenê biciwîyê.”