AMED- Krîzê ekonomî ke her ke şino giran beno, tesîr tepişteyan ser o zî keno û tepişteyê sîyasî problemê hetê ekonomî de ciwîyenê, pare kerdî û vatî; selahîyetdarî hemverê vatişê înan de bêveng ê û tepişteyan wina vat: “Şert û mercê ma sewîyeya negatîfî de dewam kenê. Texrîbatê ekonomî û manewî giran bîyê.”

 

Zîndanê Kurdistan û Tirkîya de şert û mercê tepişteyan her ke şinê giran benê. Şert û mercê bîyaye, tepişteyan hetê ekonomî û manewî dano zorî. Bêşik zîndanan de zî mexdurîyeto tewr giran cinî ciwîyenê. Krîzê ekonomî yê tesîr pêro wareyê cuye kerdo, zîndanan de her ke şino giran beno.

 

Tepişteyê sîyasî yê zîndanê cinîyan ê Amedî, problemê ekonomî ke ciwîyenê ajansê ma dir pare kerdî.

 

‘Menu nînê werdiş'

 

Tepişteyan derheqê xida û hîjyenê zîndanan de zî wina vat: “Derheqê werdê ke zîndanê akerdeyî de  rewşê somutî yê ke tehdîd hetê wareyê pakitî û weşîye kenê de ameyî ciwîyayîş. Nimûne; werd û nanî de têl, mûye û sî yenê vînayîş. Menu sewîyeyêka nîna werdiş de ya. Reyan di tewir pîya yenê pêşkêşkerdiş, reyan zî hewl danê menuyê ke bi şorbayê tewirî ke qet nînê werdiş, est ê. Nê semedî ra se ra 80ê werdî şino çop.”

 

‘Aşme tewr tay di rey vayî yena zêdekerdiş’

 

Tepişteyan dîyar kerdî ke semedê hîjyen û werdî nînê werdiş, mecbûr manenê kantînan de çîyan bigîrê la semedê aşme de tewr tay di rey vayî yena zêdekerdiş, hêzê înan yê girewtişî kêmî beno û vat: “Hîrê kantînan de ma bi sînor fêde gênê. Aşme tewr tay di rey zam yeno kerdiş. Hêzê ma sînordar maneno. Xidayê sey şit, mast, gozî yê hetê vîtamînan de dewlmend ê, vay ê û ma nêeşkenê bigîrê.”

 

‘Aşme de şîyaye 18 hezar o’

 

Tepişteyan bale ant serê ped û berardeyê pakitî û vatî: “Hevalê ma yê ke aşmine ameyîşê înan çin o, hacetê pakitî tay danê înan. Menuya nêweşan zî bi xidayan terzê diyetî yenê derbazkerdiş. Koxuşa 9-8 kesî aşmine înan yê kantîne 18 hezar o. Se ra 80ê hacetê pakitî û hîjyenî yê. Xida zî tewr zêde tewirê biskuvîtan ê. Xidayê bînî vay ê.”

 

‘Şert û mercî sewîyeya negatîfî de dewam kenê’

 

Tepişteyan peyîn de dîyar kerdî ke derheqê babete de xeylêk reyab muracat kerdê la pêwa nê cewabêk nêgirewtê û wina vatî: “Her çiqas ma problemê ke  derheqê werd û awe de ciwîyenê sazgehê wezîfedar rê zî neql kenê, tu başbîyayîşêk nêbîyo. Wexto ke ma gerreyê xo şirawit dozgerî ke meqamo berz o, tu netîceyê pozîtîfî nêvejîyayî. Netîce de şert û mercê ma sewîyeyêka negatîf de dewam kenê. Zirarê madî û manewî tewr kûr bîyo.”