Yeşîm Oruç

 

MERKEZÊ XEBERAN - Goreyê dayeyê aşma kanûna 2024ine 19 cinî ameyî qetilkerdiş û 19 cinî û 2 tutî zî bişik dinyaya xo bedelnayî.

 

Bajarên Kurdistan û Tirkîya de her roje tewr tay cinîyêke yena qetilkerdiş. Dayeyê qetlîamê cinîyan ê ke açeryayê qirkerdişî, bi temamê çapemenîye de nînê mojnayîş. Kerdoxê hukmatî yê hemverê cinîyan, polîtîkaya bêcezakerdişî ya hukmî, dayîşê cezaya sey "xelate" semedê kerdoxan, hewldayîşê nimite yê merdişê bişik bi nameyê "întîxarî" bê cipersayîş, rewşa bîyaye yê komelî vejeno werte. Heto bîn ra cinî fek têkoşîn û paştdayîşî ra vera nêdanê.

 

Goreyê dayeyê aşma kanûne yê ke çapemenî de ca girewtî, 19 cinî ameyî qetilkerdiş, 19 cinî û 2 tutî zî bişik dinyaya xo bedelnayî.

 

Kerdoxî ancî yê tewr nêzdî yê

 

Cinîyê ke ameyî qetilkerdiş 7ê ci hetê kesê ke înan dir amebî zewicnayîş, 1 ci ra semedo ke waşt bivisyo, 2 ci ra hetê camêrdê ke yewbînan vera dabî, 1 hetê lajê xo ra, 3 cinî prosesê yewbînan veradayîşî de, 1 ci ra hetê kesê nasnameyê ci nênas ra, 1 hetê nasê xo ra, 1 ci ra hetê merdimanê xo ra.

 

Bajar bi bajar qetilkerdişê cinîyan

 

Samsun de 1, Kocaelî de 1, Bursay de 3, Kirklarelî de 2, Îzmîr de 2, Mêrsîn de 1, Edene de 1, Osmaniye de 1, Sêwas de 1, Manîsa de 1, Gîresûn de 1, Uşak de 1 cinî ameye qetilkerdiş. , 1 cinî Stenbol de, 1 Sakarya de û yew zî Kayserî de ameye qetilkerdiş.

 

Eynî wextî de goreyê dayeyê aşma kanûna 2024ine de 19 cinî û 2 tutî zî binê nameyê merdişê bişikî de dinyaya xo bedelnayî.