MERKEZÊ XEBERAN - Rêxistina femînistê sosyalîstî Radical Women (Jinên Radîkal) ê DYE û Awistiralyayî bi mesajê xo paştdayîş dayî têkoşînê cinîyanê Vakur û Rojhelatê Sûrîye.

 

Rêxistina femînistê sosyalîstî Radical Women (Cinîyê Radîkalî) ê DYE û Awistiralyayî bi mesajê xo paştdayîş dayî têkoşînê cinîyanê Vakur û Rojhelatê Sûrîye.

 

Mesajo ke îmzeyê Organîzatora Netewî ya Radical Women ê DYEyî Helen Gilbert û Organîzatora Netewî ya Radical Women ê Awistiralyayê Debbie Brennan ca gênê, wina yo:

 

“Semedê wayanê ma yê cesûr ê Sûrîye,

 

Radical Women DYE û Awistiralya, mesajê xo yê paştdayîşê şorişgêrî û femînîstî neql keno. Semedo ke yê tewr zêde semedê rejîmê Baasî dej antê cinî yê, coka şima ard ziwan ke semedê awankerdişê komelê newe, ganî refê tewr vernê de bibê. Ma wazenê kêyfweşîya xo ya semedê nê vatişanê şima bîyarê ziwan. Demêk zaf derg o ke şima barê hovîtîyêk yê bi paştdayîşê emperyalîstî wedarnenê. Şima xo ver da û şima do dewletêke bîn a teda kena, qebûl nêkerê. Qerardarîya şima îlham dana pêro şarê bindest yê dinya û heta kesê mîyanê hêzê emperyalîst de zî.

 

Ma têkoşînê tarîxî ya cinîyanê Sûrîye silam kenê ke semedê bidestkerdişê heqê xo yê têduştî têkoşîn kenê. Cepheyo ke şima bi cinîyê netew û dînê kêmî dayo awankerdiş, semedê pêro têgêrayîşê her cayî nimûneyêk bihêz o.