Leyla Kaçar: Ez o dewaya kênaya xo bidominî  

2026-10-08 10:16:55


	 

	SÊRT - Dayîka Feda Avareşî ya ke 13ê teşrîna peyêne 2023ine de têkoşînê azadîye de dinyaya xo bedelnaye, Leyla Kaçar kênaya xo wina va: "Heta ez bikewî binê herre ez do dewaya kênaya xo bidomnî."

	 

	Roja vîyarteyî de nasnameyanê kesanê ke tarîx û wareyê cîyayan de têkoşînê azadîye de dinyaya xo bedelnayî ameyî eşkerakerdiş. Bi serkêşîya Komeleya Yewîye Kultur û Piştîdayîş û Hetkarîye ya bi Keyeyê ke Dergûşê Şaristanîye de Merdimê Xo Vîndî kerdî (MEBYA-DER) ya Sêrtî rojanê vîyarteyî de semedê kesanê ke dinyaya xo bedelnaye yadkerdiş pê ame. Yew kesa ke ameye yadkerdiş Feda Avareş (Songul Kaçar) bî.

	 

	Songul Kaçar (Feda Avareş) ya ke Sêrt de ameya dinya, bi xêrê keyeyê xo bi hişmendîya kurdî pîl bîya. Serranê ciwantîye de bi hawayêk çalak xebatan de ca girewte û 11 serrî dibistane wend. Songul Kaçar semedê zordarîyanê dewlete hezîrana 2014ine de tewrê têkoşînê azadîye bîya. Feda Avareş hemverê sîstem û polîtîkaya înkarî serra 20ine de verê xo da koyanê azadîye.

	 

	

	 

	Songul Kaçar vîdeyo ke verê qisey kerdêne de sebebê tewrbîyayîşê koyanê azadîye bi nê vatişan ard ziwan: "Ez şehîdan û prosesê Kobanê ra tesîr bîya û tewr bîya. Nê her di hedîseyan tesîrêk pîl ser mi de kerd. Wareyê ke menda Garê, Şengal û Xakurke bîyî. Cayê ke mi perwerde dî devreyê Şehît Alî Çîçekî, Rojîn Gevda û Şehît Mahîrî de mi perwerde dî. Teberê nê nika Akademîya Rojîn Gevdayî de perwerde gêna. Bi nê perwerdeyî ma pratîkê xo vernîya xo gênê. Çîyê ke mi nê perwerdeyî ra girewtî no yo ke her çî ancî bi hawayêk rast gêna dest rexneyan înan ser o kena û bi rastîya serekî ameyoxî de bi hawayêk xurtêr tewr bena. Îdîaya mi nê esasîyan ser o yê."

	 

	Dayîka Feda Avareşe (Songul Kaçar) ya ke 13ê teşrîna peyêne 2023ine de dinyaya xo bedelnaye, Leyla Kaçar ajansê ma rê qisey kerd.

	 

	

	 

	'Songule koyan ra hes kerdêne'

	 

	Leyla Kaçar va ke wexto ke kênaya aye aye rê bîya 20 serrîya xo debî û va: "Kênaya mi mi hes kerdêne. Her werdî werdêne. Keyeyê xo de dest bi perwerdeyî kerdebî. 4-5 aşmî kêm werd werdêne. Mi vatêne ti nêweş a çira nêwazena biwerê, vatêne ez nêşena biwerî. Çimê aye ser şîyayîşî debî. Kênaya mi bi qîmet bî. Rayîrê aye rayîrêk bi şeref û namûs bî. Ez serberz a. Kênaya mi ne tena şehîda min a, şehîda şarê kurdî û ya serekî ya. Kênaya mi wexto ke şî 20 serrîya xo debî. 13 serrî koyan de mende. Songule koyan ra hes kerdêne. Wexto ke kênaya mi şî mi va 'şitê mi helal bo, rayîra to akerdebo serkewtiş'."

	 

	

	 

	'Merdimî eşkenê bibê asteng'

	 

	Leyla Kaçar wina dewam kerd: "Mi kênaya xo rê vatêne biwane, va ez şina ko. Dersê aye baş bîyî. La dibistane de nêvindertêne. Her wext polîsî ameyêne vernîya berê ma. Mi vatêne şo dibistana xo la nêwaştêne. Wexto ke merdimêk biwazo şêro kes nêeşkeno vernîya ci bigîro. Dişmin her wext vernîya berê ma de bi. Wexto ke şî mi vatêne beno ke ameya destbendkerdiş. Ez pey aye heta herêma Bestayî şîya. Fermandarêk va ke kênaya to ameye û hevalanê xo dir kewte rayîrê koyî. Mi zî va wa rayîrê aye akerdebo."

	 

	

	 

	'Ez rayîrê kênaya xo ser o ya'

	 

	Leyla Kaçar dewam kerd û va ke aye rayîrê kênaya xo ser o ya û wina ard ziwan: "Heta bikewî binê herre ez ser rayîrê kênaya xo de ya. Erê zereyê mi veşeno la zerrîya mi rayîrê aye ser o. Wa êdî tu kes nêbermo. Wa dayîkî dej nêancê û nêbermê. Seba gorê kênaya mi çin o. Mi cayê gorê aye bizanayîne ez do şîyîne. Hewn nêkewêno çimanê mi. Ya mi şî wa zerreyê dayîkanê bînan nêveşo. Yew waştişê mi no yo ke no şer peynî bibo û aştî bêro."