
Hemverê polîtîkayanê şerê taybetî cinî şinê Dêrsim

2026-06-04 14:09:41


	&nbsp;

	AMED - Înîsiyatîfê Cinîyanê “Hewcedarîya mi bi aştîye est a” semedê raporêk averşîyayîşanê dewaya Gulîstan Dokuye û polîtîkayê şerê taybetî ser o şino Dêrsim.

	&nbsp;

	Înîsiyatîfê Cinîyanê “Hewcedarîya mi bi aştîye est a” do 6-7ê hezîranî Dêrsim de kom bibo ke aqubetê Gulîstan Dokuye ya ke 5ê çeleyê 2020ine de vînî bîya zelal bikero û hemverê polîtîkayê şerê taybet ê Kurdistanî nêrazîbîyayîşê xo nîşan bido. Înîsiyatîf do hemverê şîdetê cinîyan, qetlîaman û polîtîkayê şerê taybetî ser o nêrazîbîyayîşê xo nîşan bido û raporêk amade bikero.

	&nbsp;

	Program

	&nbsp;

	Înîsiyatîf do şanê îne, 5ê hezîrane, Stenbolî ra bivejîyo û 6ê hezîrane Dêrsim de bireso. Grubêke Amed ra zî eynî roje do bivejîyo rayîr.

	&nbsp;

	Înîsiyatîf do di rojan bi Platformê Cinîyanê Dêrsimî, rêxistinê cinîyanê bajarî û wendekarê zanîngehe dir kom bibo ke forumêk girewte organîze bikero. 9ê hezîrane de, do bi Platformê Cinîyanê Dêrsimî dir eşkerayîyêka çapemenîya girseyî organîze bikero.

	&nbsp;

	Raporêk do bêro amadekerdiş

	&nbsp;

	Înîsiyatîf do goreyê pêvînayîş û şahîdîyan raporêk hîra amade bikero.

	&nbsp;

	Sewbîna dîyar bî ke înîsiyatîf do dimayê Dêrsimî Elîh û Wan de zî xebatanê wina bikero.

	&nbsp;

	Armancê nê xebatan no yo ke têkoşînê cinîyan ê semedê edaletî tewr zêde biaso, torê pêgirewteyî xurt bikero û waştişê semedê rastî û hesabperskerdişî tewr zêde biaso.

	&nbsp;

	&nbsp;

	&nbsp;