
Kombîyayîşê DEM Partî dest pêkerd

2026-04-08 12:03:11


	&nbsp;

	ANQARA - Kombîyayîşê heyetê DEM Partî ke do 5 rojan dewam bikero, dest pêkerd. Sere de Prosesê Aştî û Cimatê Demokratîkî, xeylêk babetê cîya do kombîyayîşan de bêrê munaqeşekerdiş.&nbsp;

	&nbsp;

	Heyetê Îdareyê Merkezî (MYK) yê Partîya Têduştî û Demokrasî yê Şaran (DEM Partî), semedê erjnayîşê averşîyayîşê rojeve de, bi serekîya Hemserekê Pêroyî Tulay Hatîmogûllari û Tuncer Bakirhan kom bî.&nbsp;

	&nbsp;

	Kombîyayîş, merkezê pêroyî yê partî de yeno organîzekerdiş. Kombîyayîş de do Prosesê Aştî û Cimatê Demokratîkî û serarestkerdişê qanûnî ke yenê waştiş meclis de bêrê amadekerdiş bêrê munaqeşekerdiş.&nbsp;

	&nbsp;

	Sewbîna şerê mabêne DYA-Îsraîl û Îranî de û tesîrê nê şerî yê herême û Tirkîya ser o bêrê erjnayîş. Sewbîna xebatê bi wesîleya 1ê Gulane Roşanê Karkeran ê Dinya zî rojeva kombîyayîşî de yê.&nbsp;

	&nbsp;

	Dimayê kombîyayîşê MYK’yî, do kombîyayîşê selahîyetdaranê DEM Partî û heyetê 4 rojan dewam bikerê. Siba zî do wekîlê partî kom bibê. 10ê Nîsane de Meclisê Cinîyan û 11 û 12ê Nîsane de zî do Meclisê Partîye yê DEM Partî kom bibê.

	&nbsp;