
Hewteyê hişyarîya kanserî de xebatê kontrolê weşîye

2026-04-02 14:24:19


	&nbsp;

	&nbsp;

	AMED - Mudirîya Polîtîkayê Cinîyan û Mudirîya Xizmetê Weşîye yê Şaredarîya Peyasî, bi hemkarîyêk hempar, dewa Tabanî de kombîyayîşêk agahdarkerdişî cinîyanê dewan dir organîze kerd.

	&nbsp;

	Çarçewaya xebatê dewamî yê agahdarkerdişê problemê cinîyan û weşîye de, nê kombîyayîşî de agahî însiyatîf û xizmetê şaredarîye yê semedê cinîyan ameyî dayîş û vilawikî ameyî vilakerdiş. Sewbîna derheqê têkoşînê hemverê şîdetê cinîyan ser û tewrbîyayîşê cinîyan berardişê ekonomî de zî agahî ameyî parekerdiş.

	&nbsp;

	Xebatê weşîye&nbsp;

	&nbsp;

	Bi wesîleya 1-7ê Nîsane Hewteyê Hişyariya Kanserî, Mudirîyê Karê Weşîye derheqê kanserê memikan û kanserê servîksî (rehîmî) de agahî dayî. Na çarçewa de, cinîyan dir kontrolê weşîye yê pêroyî ameyî kerdiş ke ci de mîqyasê tansiyonî, şekir, qam û kîloyê zî estbî.

	&nbsp;

	&nbsp;

	&nbsp;