
Adir bi awanîya Ronahî TV kewt

2026-03-12 10:27:35


	&nbsp;

	MERKEZÊ XEBERAN -Adir bi awanîya merkezî ya Ronahî TV kewt. Semedê şewatî weşan bi demkî vindarîya.

	&nbsp;

	Awanîya Ronahî TV ya bajarê Qamişloyî de şewat vejîya. Weşanê kanalî demkî ame vindarnayîş.

	&nbsp;

	Ajansê ANHA’yî neql kerd ke ewro serê sibayî awanîya kanalê Ronahî TV ya bajarê Qamişloyî de şewatêk pîl vejîya.

	&nbsp;

	Goreyê agahîyan netîceya şewatî de studyoyê sereke û odeya kontrolî bi temamî veşa û weşanê ganî yê kanalî demkî ame vindarnayîş.

	&nbsp;

	Tîmê îtfaîye resayî cayê hedîse û şewat kontrol kerdî. Derheqê zerarê maddî de heta nika agahî nêame bidestkerdiş.

	&nbsp;

	Hetê têkildarî derheqê hedîse de cigêrayîş dayî destpêkerdiş.

	&nbsp;