Newroze de mesajê azadî û yewîye

2026-03-12 10:18:36


	 

	AMED -Vizêrî, Bircê Ben û Senî yê qezaya Surî de bi serkêşîya cinîyan de pîrozbayîya Newroze ame kerdiş û bale dîya manaya pîl a Roşanê Newroze.  Cinîyan va, "Newroze roşanê têkoşînî ya. Ma wazenê ke Roşanê Newroze azadîye bîyaro."

	 

	Yewine adirê Newroze Amed de vizêrî qezaya Sûrî de bi beşdarîya bi hezaran kesan ame tavistiş. Pîrozbayîyê Newroze ke bi sloganê "Newroza Azadî û Yewîya Demokratîk" ame organîzekerdiş, bi merasîmêk meşaleyî ke hetê cinîyan ra Birca Ben û Senî de ame organîzekerdiş, dest pêkerd. Cinî, bi cilê adetî, beşdarê çalakîye bî û sloganê sey "Jin Jiyan Azadî", "Bê Serok Jiyan Nabe" û "Bijî Serok Apo" berz kerdî. Pîrozbayîyê ke bi tilîliyan, govendê adetî û çepikên bêmabêne pirr bî, her emrî ra kesî beşdar bî. Pîrozbayîyê ke bi def û zurne ame organîzekerdiş, atmosferêk geş awan kerd û adirê Newroze bi sloganê "Bijî Serok Apo" ame tavistiş.

	 

	Cinî pîrozbayîyê ke bi seyan kesî ci de amade bî de qisey kerdî û vatî, "Newroze sembolê kurdan a. Ez Newroze sey roşanê têkoşînî vînena. Ma semedê azadîya rayberê xo Newroza 2026ine de tîya yê. Ma hêvî kenê ke Newroza emserî semedê yewîye şarê kurdî rê bibo firsendêk.”