Dîmenê şîdetî yê hemverê cinîyêke vejîya meydan 

2026-02-25 14:07:41


	 

	MERKEZÊ XEBERAN - Dîmenê ke hêzê rejîmê Îranî yê şîdet cinîyê ke rê kenê hetê Hengawî ra ame weşanayîş.

	 

	Dîmenê ku demê protestoyanê Îranî ra ameyê antiş de, yeno vînayîş ke komêke hêzê çekdarî yê girêdayeyê rejîmî cinîyêke destbend kenê û şîdet cinî rê kenê.

	 

	Komeleya Heqê Merdiman ê Hengawî hesabê xo yê medya dijîtal ser o dîmen pare kerd. Dîmenan de yeno eysayîş ke komêk hêzê çekdarî yê girêdayeyê rejîmî, cinîyêke bi kuyayîş destbend kenê. Sewbîna dîmen de yeno vînayîş ke cinîyêke bîn zî semedo ke hewld dana şîdet asteng bikero rastê hêrişê komê çekdarî yena. Ca û tarîxê dîmenî nêame zanayîş.