
Komîteya Aştîye ya Nobelî waşt ke Nêrgiz Mihemedî bêro veradayîş 

2026-02-12 14:50:44


	&nbsp;

	&nbsp;MERKEZÊ XEBERAN - Komîteya xelata Aştîye ya Nobelî ya Norveçî, veng da ke lezkî Nêrgiz Mihemedî bêro veradayîş.

	&nbsp;

	Reaksîyonê mîyanneteweyî hemverê binpaykerdişê heqê merdiman ê Îranî her ke şinê zêdeyêr benê, cezaya 7 serrî û nîm ke dayê pawitoxa heqê merdiman û xelatgirewtoxa Nobelî Nêrgiz Mihemedî rastê reaksîyonan ame. Bi xeberanê ke yeno neqlkerdiş Nêrgiz Mihemedî zîndan de rastê nêzdîbîyayîşê xirabî yê fîzîkî yena, endîşeyî zêde bî.

	&nbsp;

	Komîteya Xelata Aştîye ya Nobelî ya Norvecî, eşkerayîya xo de, veng da ke ganî xelatgirewtoxa Nobelî Nêrgiz Mihemedî lezkî bêro veradayîş. Eşkerayîye de ame dîyarkerdiş ke Nêrgiz Mihemedî rastê nêzdîbîyayîşê xirab û qijvistişî yena, no zî binpaykerdişê hemverê huqûqê mîyanneteweyî yê heqê merdiman o. Komîte da zanayîş ke Nêrgiz Mihemedî bi caardişê şîdetî ameya destbendkerdiş û hema zî rastî şîdetê fîzîkî yena û cuya aye tehluke de ya.

	&nbsp;

	&nbsp;

	&nbsp;