
Hewldayîşê qetilkerdişî de vistişê ceza ame xirakerdiş

2026-02-09 12:11:35


	&nbsp;

	Medîne Mamedoglu

	&nbsp;

	AMED – Amed de camêrdo bi nameyê Mahmut Çakmak hewl dabi Y. Çakmak ya ke pê dir zewicnayeyê, qetil bikero û 15 serrî cezaya hepsî gumanbarî rê amebî birnayîş, îstînafî xira kerd. Dadgeha Berzî dîyar kerd ke nakokî û cigêrayîşî kêm ê û qerar da ke dewa newe ra bêro dîyayene.

	&nbsp;

	Qezaya Yenîşehîrî ya Amedî de 12ê Temmuze 2022ine de camêrdo bi nameyê Mahmut Çakmak îşkence Y. Çakmak ya ke pê dir zewicnaye bî kerd û hewl da qetil bikeri. Goreyê agahîyê dosya de ewilî şîdet Y. Çakmak rê yeno kerdiş, yena tehdîdkerdiş û hewl yeno dayîş bêro qetilkerdiş. Bi hetkarîya cîranan Y. Çakmak ameye xelaskerdiş û bi rojan nêweşxane de ameye dermankerdiş.

	&nbsp;

	Birayê aye ame tepiştiş û dima ra berat kerd

	&nbsp;

	Dimayê hedîse Mahmut Çakmak û birayê ey A. Çakmak ameyî destbendkerdiş. Her di kesî ameyî tepiştiş labelê A. Çakmak dimayê demêk ame veradayîş û beratkerdiş. Îdianameyê bi sûckerdişê ‘teşebusê qestî qetilkerdişê cinî’ ame amadekerdiş û hetê 8ine Dadgeha Cezaya Giran a Amedî ra ame qebûlkerdiş.

	&nbsp;

	Tehdîdê ‘gerre peyser biance’

	&nbsp;

	Y. Çakmak ke roniştişan de îfade da, da zanayîş ke bi hawayêko sîstematîk şîdet ci rê ameyo kerdiş û va prosesê muhakemekerdişî de gumanbar û merdimê gumanbarî înan tehdîd kerdê ke gerreyê xo peyser biancê. Gumanbar Mahmut Çakmak zî pawitişê xo de hewl da xo xilas bikero.

	&nbsp;

	HTS û qeydê kamerayan: Îfadeyî bi nakokî yê

	&nbsp;

	Dewa de ame dîyarkerdiş ke îfadeyê A. Çakmak ke vato demê hedîse de uca nêbîyo, bi qeydê kamera û HTS’î pê nêkenê. Sewbîna ame dîyarkerdiş ke birînê bedenê Y. Çakmak bi rîsk ê û sewbîna ame dîyarkerdiş ke îfadeyê şahidan zî vatişê Y. Çakmak piştrast kenê.

	&nbsp;

	Cezaya muebbetî vistî 15 serran

	&nbsp;

	Dadgehê 2024ine de derheqê gumanbar Mahmut Çakmak de cezaya muebbetî birna. Labelê dima ra bi îdiayê ‘sewîyeya teşebusî de mendo’ ceza vistî 18 serran. Dima ra zî vistişê takdîrî pê ardî û vistî 15 serran.

	&nbsp;

	Avûkatan qerar berd îstînaf. Yewine Daîreya Ceza Giran a Dadgeha Edlîyeyê Herêmî ya Amedî dîyar kerd ke cigêrayîş kêm o û nakokî est ê û qerar xera kerd û dosya ancî şirawitî 8ine Dadgeha Ceza Giran a Amedî.

	&nbsp;