19 rojî yo Kobanê binê ablûqa de yo  

2026-02-07 12:33:42


	MERKEZÊ XEBERAN - Bajarê Kobanê hetê komê hukmatê demkî yê Sûrîye dir 19 rojî yo ablûqa ame kerdiş.

	 

	Komê hukmatê demkî yê Sûrîye nê ablûqayî dir wazenê şarê Kobanê tengav bikerê û îradeyê înan bişkinê. Bajarê Kobanê de nîm milyon merdimî ciwîyenê. Keyeyê kurdî yê Reqa, Tebqa, Eyn Îsa û koçberê Efrîn û Şehbayî semedê hêrişan xo sepernayî Kobanê. Sewbîna hîn dewê Kobanê zî semedê pawitişî tutî, nêweşî û kal û pîrî verê xo dayî bajarê Kobanê.

	 

	Kobanê hem berpirsyarîyê koçberê bi zorî herêmê xo ra koç kerdê wedaritê, hem zî hemverê hêrişan xo ver danê.

	 

	Hetê weşîye de zaf dermanî nînê peydakerdiş, bi taybetî kesê ke nêweşîya şekir û tansîyon û gurçikan înan dir est ê, kewenê zehmetî. Sewbîna kesê ke nêweşîya kanserî înan dir est a, semedê ablûqa nêeşkenê tedawîya xo bidominê.

	 

	Hukmatê demkî bi nê ablûqayî şerê taybetî Kobanê ser o domneno, wazeno îradeyê Kobanê yê sewîyeya dinya de sembolê xoverdayîşî yo û yewin cayê vîndîkerdişê çeteyanê DAIŞî yo, bişikino.

	 

	Şarê Kobanê roja yewine ê ablûqayî dir bêveng nêmendo û wayîrê helwestêk xoverdayox o. Şar bi rayîrê komînan rojane xo rêxistin keno û tax bi taxe pawitişê xo keno.

	 

	Pêkerdişê mabêne QSD’yî û hukmatê demkî yê 30ê çeleyî ame neqlkerdiş ganî 2yê sibate de ablûqa biameyîne wedarnayîş. Ablûqa dewam kena û hêrişê sîyasî û psîkolojîk ê Kobanê ser o dewam kenê.