Hetkarî nêresayî Kobanê: TIRê hetkarî peyser agêrayî 2026-02-04 12:05:28   AMED - Semedê hetkarîyê merdimîye ke hetê Platformê Pawitiş û Pêgirewtişê Bajarî ya Amedî semedê Kobanê amebî komkerdiş û şirawitî, pêwa pêro hewldayîşan zî destûrê derbasbîyayîşî nêame dayîş û dimayê 5 rojan TIRê hetkarî agêrayî Amed.   Karwanê hetkarî ke 5 rojî verê Amed ra ver bi Kobanê kewtî rayîr, rayîrê Riha û Pirsûsî ser o amebî vindarnayîş. Prosesê dayîşûgirewtişî de ame dîyarkerdiş ke hetkarî tena eşkenê Azezê ser o derbas bikerê. Na rey rayîr heyetê Platformî rê ame girewtiş û destûr nêdayî û endamê Platformî qerar dayî ke TIRê hetkarî agêrê Amed. Ame zanayîş ke TIRê hetkarî vizêrî şan de resayî Amed û hetkarî amebî arêdayîş awanîya Fuarê Amedî ame vengkerdiş.   Pêwa pêro hewldayîşê sazgehê sivîl û DEM Partî zî pêvînayîşê dîplomatîk bi ser nêkewtî û hetkarîya merdimayî nêresa şarê Kobanê û TIRÊ hetkarî agêrayî Amed.