Mesajê piştîdayîşê Rojawanî: Ma do têkoşîn pîl bikerê 2026-01-27 11:48:00   Elfazî Toral   STENBOL - Cinîyan dîyar kerdî ke hêrişê  Rojawanî ser o hêrişê hemverê heme şaran û destkewtişê cinîyan o û vatî: “Têkoşînê ma yê hemparî do nê sîstemî bivurno.”   Hêrişê Rojawanî ser o çalakîyê hemverê hêrişan, bajarê Kurdistan û Tirkîya de dewam kenê. Merdimî xeylêk reyan qetî kenê ke hêrişî tenya hemverê yew şarî nîyê, labelê hemverê îradeyê cuyayîşê heme şaran ê. Çalakîyê ke zêde benê de, venga semedê destekdayîşê mîyanneteweyî xeylêk reyan yenê kerdiş. Cinî mîyanê ê kesan de yê ke destpêk ra piştîdayîş danê Rojawanî. Cinîyan ercnayîşê hêrişê Rojawanî ser o qetî kerdî ke hêrişî hemverê heme şaran û destkewtişê cinîyan ê û vengdayîş kerdî ke têkoşîn û destekdayîşê înan zêde bêro kerdiş.   Zextê 30 serrî   Welatije Meles Atlinar da zanayîş ke ê têkoşînê Rojawanî dir ê û va: “Ma 30 serrî verê semedê zilmê dewleta tirke ameyî nê welatî. Înan dewa ma veşna, înan zilm ma rê kerd. Ma tu wext xo vîr ra nêkerd ke înan çi bi ma kerd. Ez venga her kesî kena ke heqê ma bipawê. Ma êdî nê çî qebûl nêkenê. Kurdî her cayî de yewgirewte yê û ma çîyê ke heta nika bi ma ameyê kerdiş qebûl nêkenê. Ma tu wext kiştoxê ke porê cinîyan birnayê xo vîr ra nêkenê. Ê kêna kênayê ma yê. Heta ke ma biciwîyê, ma do heqê înan bipawê û ê tutê heme kurdan ê. Ma do nêverdê gonîya înan biherikîyo. Ma dewaya xo, heqê xo pawenê. Ez venga heme dinya kena. Ma do semedê nê yewî heyf bigîrê. Biciwîyo Rojawan! Ma pişta gerîlayê xo de yê!”   Bale ant destekdayîşî ser   Endama Platformê Destekdayîşê Sosyalîst (SODAP), Fatma Înce wina va: “Sey sosyalîstê tirkî, ganî ma hemverê hêrişê şarê kurdî ser o vinderê, destekdayîş nîşan bidê û piştîdayîş bidê înan, semedê têduştî û cuyayîşê azad ê heme şaran û semedê cuyayîşêk azad. Ganî ma hemverê hêrişê  Rojawanî ser o vejîyê û vernîya înan bigirê. Bi rastî, no perspektîfêk hêzê serdestî helwestêk dirû yo. Labelê ewro ma vînenê ke ê semedê destkewtişêk tewr qijkek, têkoşîn rê tehemûl nêkenê û hêriş kenê. Tîya de têkoşîn û xoverdayîşêk est o, têkoşînêk semedê pawitişê destkewtişê şarê kurdî est o. Ma zanê ke hêzê serdestî, mîyan de hukmatê Tirkîye de zî, şarê kurdî yê qels, şarê karkerî yê qels, şarê bindestî yê qels wazeno. Ewro, ê bi eşkera hewl danê ke vernîya nê destekdayîşî bigirê. Ma do heta peynî nê destekdayîşî xurt û hîra bikerê.”   Mesajê piştîdayîşê Rojawanî   Saime Sema Çali piştîdayîşê xo ya semedê Rojawanê Kurdistanî dîyar kerd û wina va: “Vernîya her çî, ez wazena nê çî şarê tirkî ra  vajî. Na nuqtayêka muhîm a. Şima eşkenê vengê xo berz bikerê demo ke hende merdim Xeze û Filistîn de yenê qetilkerdiş. Labelê demo ke merdimê ke şima serê eynî herre de înan dir ciwîyenê, yenê qirkerdiş, tu kes şima ra vengê xo berz nêkeno. Ez sond wanena bi Homa, sey dayikê ma vanê, şima bixo terorîst ê. Çiqas ma hewl bidê ke vengê xo berz bikerê zî, şima hewl danê vengê ma bitepisnê.”   Venga yewîye   Destekdayîşê Wendekaran ra Simge Ozturk dîyar kerd ke hêrişê Rojawanî ser o hêrişê hemverê heme şaran o û va: “Cinî hema uca de xo ver danê. Tarîx hema teze, gane yo uca. Û ez zaf bi hêrs a. Semedo ke şarê uca hetê çeteyê cîhadîst û şerîetparêz ra zilm vîneno. Ganî temamê dinya vengê xo berz bikero semedo ke çîyê ke qewimyenê tenya hêrişêk komêk nîyo. Hêrişêk temamî  kurdan, şarê kurdî û cinîyanê kurdan ser o. Ez venga heme şaran, yê ke wayê û biratîya şaran wazenê kena, bêvengî ganî nêbo. Çîyê ke Rojawan de qewimyenê, çîyê ke uca şar û cinîyan rê yeno kerdiş, ganî ma agahdar bê. Ez vanê ke no lazim o. Ez venga her kesî kena ke pîya têkoşîn bikerê.”   ‘Ganî ma piştîdayîş bidê Rojawanî’   Nazîfe Aslan bale ant ser muhîmîyê destekdayîş û xoverdayîşî û va: “Ma pey dewaya xo yê, ma rayîrê rayberê xo taqîb kenê. Ma rayîrê şehîdanê xo taqîb kenê, ma dewaya Kurdistanî pawenê. Biciwîyo Şorişê Rojawanî, biciwîyo ciwanê ma, biciwîyo Rayber Apo. Ganî heme kurdî bibê yew û piştîdayîş bidê Rojawanî.”