Îlham Ehmed vengdayîşê baldarî û pabebîyayîşê adirbestî kerd

2026-01-19 14:15:13


	 

	MERKEZÊ XEBERAN – Hemsereka Daîreya Têkiliyê Teberî ya Îdarekarîya Xoserî Îlham Ehmed, venga şarê Kantonê Cizîrî kerd ke baldar bê û va: “Heme xeberê derheqê ‘Qirkerdişê Hesekî’ de bêbingeh ê.”

	 

	Saetanê peyên de platformê medyaya dîjîtale dîmenê bêbingehî yenê vilakerdiş. Nê dîmenan de yeno îdiakerdiş ke Kantonê Cizîrî yê girêdayeyê Îdareyê Xoserî yê Vakur û Rojhelatê Sûrîye qirkerdişî ameyî kerdiş, bi nê îdiayan wazenê fitne vejê û raya pêroyî bikişkişê û hedîseyê peyînî ser o demê peyên de wazenê ters bikerê mîyanê şarî.

	 

	Hemsereka Daîreya Têkiliyê Teberî ya Îdareya Xoserî Îlham Ehmed, derheqê babete de hesabê xo yê X ser o mesajêk da û va: “Ez şarê ma ra rica kena baldar bimanê. Heme xeberê derheqê ‘Qirkerdişê Hesekê’ de bêbingeh ê û hetê hêzê dişmînî ra yenê vilakerdiş.”

	 

	Îlham Ehmed dîyar kerd ke bi nê hewldayîşan hewl danê adirbestî binpay bikerê, mîyanê eşîretan de gengeşî zêde bikerê û hêrişê xo yê hemverê Hesekê û Kobanî de newe ra dest pêbikerê û va: “Ma pabebîyayîşî xo yê bi adirbestî û yewîya hêzan piştrast kenê.”