
Semedê cinîyan xebatêka hîra ya wareyî

2025-12-24 15:48:38


	&nbsp;

	AMED – Şaredarîya Girdî ya Amedî taxa Lalebeyî de serdayîşê 102 keyeyan kerd û derheqê merkezê piştîdayîşî, merkezê cuyayîşê cinîyan, Xeta Alo Şîdetî û mekanîzmayanê muracatî de cinîyan agahdar kerd.

	&nbsp;

	Serekîya Daîreya Xizmetê Cinî û Keyeyî, bi armancê zêdekerdişê resayîşê xizmetanê semedê cinîyan û awankerdişê hişmendîya têkoşînê hemverê şîdetî, taxa Lalebeyî ya qezaya Sûrî de xebateka wareyî viraşte.

	&nbsp;

	Xebate de, xebatkarê Merkezê Cigêrayîş û Caardişê Problemanê Cinîyan a Amedî (DÎKASUM) û koordînatorê Merkezê Cuyayîşê Cinîyan a Quçê û Lalebeyî tewr bîyî û serdayîşê 102 keyeyan kerdî.

	&nbsp;

	Xizmet ameyî qalkerdiş, broşurî ameyî vilakerdiş

	&nbsp;

	Çarçeweya xebata wareyî de, derheqê xizmetanê ke merkezê piştîdayîşî û merkezê cuyayîşê cinîyan pêşkêş kenê de agahî ameyê dayîş. Sewbîna semedê cinîyan broşurê nasnayîşî yê ke agahîyê hîra Xeta Alo Şîdetî ser û mekanîzmayanê muracatî de est ê, ameyî vilakerdiş.

	&nbsp;

	Têkoşînê hemverê şîdetî de xebata hişmendîye

	&nbsp;

	demê serdayîşî de hetê tîman ra cinîyan ra pêvînayîş ameyê kerdiş; pênaseyê şîdetî, cinsê şîdetî, sazgehê ke demê rîbirîbîyayîşê şîdetî de eşkenê muracat bikerê û mekanîzmayê piştîdayîşî ameyê ercnayîş û xebateka hişmendî ame domnayene.

	&nbsp;