Şêxmeqsûd û Eşrefîye de hûmara birîndaran bî 19 

2025-12-23 15:00:11


	 

	MERKEZÊ XEBERAN - Hûmara sivîlê ke netîceya  hêrişê komên çekdarî yê girêdayeyê hukmatê demkî yê Şêxmeqsûd û Eşrefîye ser de birîndar bîyî, resa 19ine. Cinîyêke zî şehîd bîye.

	 

	Goreyê Çimeyê Meclîsê Weşîye yê Şêxmeqsûd û Eşrefîye neql kerd, hûmara sivîlê ke hêrişê komê çekdarî yê girêdayeyê hukmatê demkî yê Sûrîye yê taxanê Şêxmeqsûd û Eşrefîye yê Helebî ser de birîndar bîyî, resa 19ine ke 3 ci ra tutî û 4 zî cinî yê.

	 

	Goreyê çimeyî, nameyê ke birîndarê wina yê: Henan Ebdulhemîd Îsmaîl (20), Mihemed Ebdulhemîd (19), Ebdulhemîd Îsmaîl (48), Zekeriya Xelîfe (53), Ebdo Eswed (40), Mihemed Nîdal Îbrahîm (18), Aydil Elî (9), Dîcle Osman (34), Dogan Elo (18), Ebdulrehman Horo (18), Cemîl Ekaş (22), Mehmûd Oso (20), Mîrkan Bekir (22), Arif Bilal (20), Robarîn Hebeş (13), Zeyneb Henan (25), Usama Betîx (30), Omer Ebdulqadir Tereb (15) û Nehla Ebdulrehman Dabûl (40).

	 

	Eynî wextî de cinîya ke pêameyê ereban a bi nameyê Fedwa Mihemed El Kurdî ya 57 serrî zî netîceya hêrişan de şehîd bî.

	 

	Çimeyan dîyar kerd ke dimayê topvaranî û hêrişê rasterast yê hemverê sivîlan, cepheyê derûdorê taxanê Şêxmeqsûd û Eşrefîye nika rewşe aram a û hişyarî zêde ya.