Îran de 25 rojan de 271 kesî ameyî dardekerdiş 

2025-12-16 15:51:48


	 

	MERKEZÊ XEBERAN - Çalakîkeranê kurd û Îranî vengda rejîmê Îranî ke bilez kesanê destbendkerdeyan verado û vat: “Destbendkerdişê înan beşekê sîyasetê sînordarkerdişê komelî û bêvengkerdişê vengê kesanê muxalîfî yo.”

	 

	Îran de teda û tehdîtê vera çalakîkeranê komelê sîvîlî bêmabên dewam kenê. Bi taybetî rojanê peyênan de xeylê çalakîkerî hetê hêzanê Îranî ra ameyê destbendkerdene. Roja 12ê kanûne de şaristanê Meşhedî de demê merasîmê vîrardişî Xosro Elî Kurdî de Wayîrê Xelata Aştî ya Nobelî Nêrgiz Mihemedî zî tede, çalakîker Sepîdeh Qolîyan, Buran Nazimî û 5 çalakîkerê bînî ameyê destbendkerdene. 

	 

	Ame dîyarkerdiş ke 25 rojê verî de 271 kesî Rojhelatê Kurdistan û Îran de ameyê dardekerdiş. Ame vatiş kesê ke ameyê dardekerdiş, vera ke dadgehêk bi edaletî bêrê dadgehkerdiş û avûkatî pawitişê înan bikerê, ameyê dardekerdiş.

	 

	Sewbîna hêzanê Îtaet ê Îranî 4 welatijê kurdî şaristanê Şino yê Rojhelatê Kurdîstanî de bêyê fermanê dadwerî ê destbend kerdê û aqubetê înan nêyeno zanayene. Îran û Rojhelatê Kurdîstanî de destbendkerdişê çalakîkeran bi sebebê nerazîbîyayîşan.

	Hemverê destbendkerdiş û tedayanê rejîmî, 20 çalakîkeranê komelê sîvîlî yê Rojhelatê Kurdîstan û Îranî eşkerayî daye.

	 

	Eşkerayî de ame vatene ke ganî bilez kesê ke ameyê destbendkerdene, veradîyê û wian ame vatenne: “Destbendkerdişê çalakîkeran û şuxulnayîşê hêzê şîdetî beşêkê sîyasetê sînordarkerdişê komelê sîvîl û bêvengkerdişê vengê kesan o ke waştişê heq, rûmetê merdiman û aştî kenê.