SAMER: 168 cinî ameyî kiştiş 

2025-11-25 15:04:20


	 

	MERKEZÊ XEBERAN - Merkezê Cigêrayîşê Sahayî (SAMER) neql kerd ke mabêne 1ê temmuze û 24ê teşrîna peyêne 2025ine de 362 cinîyî dinyaya xo bedelnayî.

	 

	Merkezê Cigêrayîşê Sahayî (SAMER) dayeyê Bianet, JinNews, Platoformê Ma do Kiştişê Cinîyan Vindarnê, Ajansê Mezopotamyayî, Anit Sayaç û xeylêk sazgehê çapemenîye yê herêmî û neteweyî ra arê da û raporêk şîdetê cinîyan ser o weşan kerd.

	 

	Goreyê raporî mîyanê çar aşmî û nîme de nê hedîseyî qewimyayî:

	 

	168 cinî ameyî kiştiş

	 

	194 cinî bi rengêk biguman dinyaya xo bedelnayî

	 

	247 cinî rastê şîdetê fîzîkî ameyî, birîndar bîyî

	 

	259 cinîyan rê karê seksî ame ferzkerdiş

	 

	Desteştiş 39 cinîyan rê bi

	 

	Tehdîd û heqaret 16 cinîyan rê ame kerdiş

	 

	Goreyê raporê kerdoxan bê hêriş û şîdetî zî giranî nînê zanayîş, mêrde, kesê nênas, mêrdeyê verê, merdim, babî, waşteyê verê, waşteyî bî.

	 

	SAMER'î dîyar kerd ke nê dayeyî tena yê çapemenî de vila bîyê yê, coka hûmara rastî bena ke hîn zêdeyêr bo.