Zabitnameyê pêvînayîşê Abdullah Ocalanî do pêşkêşê komîsyonî bêro kerdiş

2025-11-24 14:21:38


	 

	 

	MERKEZÊ XEBERAN- Yeno pawitiş ke zabitnameyê  pêvînayîşî yê heyetê Komîsyonê Meclisî Abdullah Ocalanî dir bikero do pêşkeşê Serekê Meclisî û komîsyonî bikero. 

	 

	Endamê Komîsyonê Piştîdayîşê Neteweyî, Wayê-Birayî û Demokrasî semedê pêvînayîşê Rayberê Şarê Kurdî Abdullah Ocalanî şî Îmraliyî. Serekwekîla Koma DEM Partî Gulistan Kiliç Koçyîgît, Temsîlkarê Serekê Pêroyî yê MHP’yî Fetî Yildiz û Temsîlkarê Serekê Pêroyî yê AKP’yî Huseyîn Yayman do Abdullah Ocalanî dir pêvînayîş bikerê. 

	 

	Do temamê pêvînayîşê endamê komîsyonî û Abdullah Ocalanî bêro qeydkerdiş. Do zabitnameyê pêvînayîşî pêşkeşê Meclîs û Serekê Meclisî Nûman Kurtulmuşî bêro kerdiş. Kurtulmuş zî do nê zabitnameyî, pêşkeşî komîsyono ke 51 wekîlan pê yeno bikero. Yeno vatiş ke no zabitname kombîyayîşê komîsyonî de hetê endamanê komîsyonî ra bêro ercnayîş.