Dewaya rojnamegeran ameye taloqkerdiş 

2025-11-20 15:42:21


	 

	STENBOL - Dewaya rojnamegeran, semedê pawitişê mûxabirê MA’yî Mehmet Aslanî ke dosya ci ameyî yewkerdiş, ame taloqkerdiş.

	 

	Roniştişê dewaya mûxabirê Ajansê Mezopotamyayî (MA) Esra Solîn Dal, Mehmet Aslan û rojnameger Erdogan Alayûmatî ke bi îddîayê “endamîya rêxistine” yenê muhakemekerdiş, 25ine Dadgeha Cezaya Giranî ya Edlîyeyê Stenbolî de ame viraştiş. Rojnamegerî beşdarê roniştişî nêbîyî, labelê avûkatê înan amade bîyî.

	 

	Şahido nimite “K8Ç4B3L1T5” ke demê verênan derheqê xeylê rojnamegeran de îfade dabî, derheqê Mehmet Aslanî de zî îfade da. Çarçewaya îfadeyê ci de derheqê Aslanî de îdîanameyêk newe ame amadekerdiş û dosyaya bîyaye dir kerdî yew dosya.

	 

	Serekê dadgehî qerarê yewkerdişê di dosyayan waşt.

	 

	Ameyîne pawitiş ke Aslan Edlîyeyê Anqara ra bi rayîrê SEGBÎS’î pawitişê xo bikero, labelê semedo ke dadgehê vengî çin bî, pawitişê ci nêame girewtiş.

	 

	Heyetê dadgehe zî semedê pawitişê Aslanî dewa taloqî 22yê çeleyê 2026ine kerd.