Aferîn Mohajer semedê sebebêk nêdîyar tepişte ya

2025-11-12 14:37:32


	 

	 

	MERKEZÊ XEBERAN - Welatija bi nameyê Aferîn Mohajer ke vernîya aşmêk û nîme semedê sebebêk nêzanayene, teyaregehî de ameye destbendkerdiş, dîyar bî ke aye berdê Zîndanê Evîne. Heta nika zî sebebê tepiştişê aye bi hawayêkê fermî nêame vatiş.

	 

	Îran de zordarîyê dewlete û hukmê hemverê cinîyan domneno. Bi nêzdîbîyayîşê 25ê teşrîna peyêne pêwa cinî her wareyî de hemverê her tewirê şîdetî têkoşînê xo berz kenê, Îran bi zordarîya hukmî hewldayîş keno ke têkoşînê cinîyan sînordar bikero. Welatija bi nameyê Aferîn Mohajer ke Tehran de ciwîyayîne, 29ê êlule de ameye tepiştiş û aye berdî Zîndanê Evîne.

	 

	Goreyê xebera, Aferîn Mohajer dayîka Aktivîstek sîyasî ya ke teberê welatî de ciwîyena. Roja 29ê êlule de Teyaregehê Mîyanneteweyî Îmam Humeynî de ameye destbendkerdiş. Ame dîyarkerdiş ke nika Zîndanê Evîne de beşê cinîyan de manena.

	 

	Derheqê sebebê tepiştişê aye de heta nika tu agahîya fermî nêameye dayîş.