‘Tepişteyî azadîya xo ra bêpar yenê verdayîş’ 2025-11-11 09:07:05   Elfazî Toral   STENBOL - Avûkat Seher Dursun dîyar kerd ke veradayîşê tepişteya nêweşe Elîf Vural Yaş reya hîrêne ameyo taloqkerdiş û ard ziwan ke Heyetê Îdareyî û Çimdarî ci ra persayo ke çira semedê serra akademîk yê 2025-2026ine muracat nêkerda. Seher Dursun qetî kerd ke heyetê veradayîşî zafê tepişteyan bi sebebê “pûçî” taloq kerd.   Zîndanê Cinîyanê Girewte yê Bakirkoyî ke semedê binpaykerdişê heqan dewamî rojeve de yo, tepişteyî hema zî bi astengîyê veradayîşî rî bi rî yê. Elîf Vural Yaş, pêwa cezaya ci qedîyaya û nêweşa qelbî ya giran a, nêameye veradayîş. Elîf Vural Yaş ke ganî teşrîna peyêne yê serra vîyarte de bêra veradayîş, Heyetê Îdarî û Çimdarî yê Zîndanê Cinîyanê Girewte yê Bakirkoyî hewteyêk verê veradayîşê aye şeş aşmî bi sebebê tewir bi tewir taloq kerd. Heyeto ke gulana 2025ine de reyke bîn kom bî, cezaya Elîf Vural Yaş reya diyîne şeş aşmî taloq kerd. Elif Vural Yaş ke 31 serrî zîndan de ya, ganî 24ê teşrîna verêne de bêra veradayîş, la bi qerarê Heyetê Îdarekarî û Taqîbkerdişî, veradayîşê aye reya hîrêne şeş aşmî ame taloqkerdiş.   Avûkata Elif Vural Yaş ke Zîndanê Cinîyanê Bakirkoyî Seher Dursun, binpaykerdişê heqê merdiman ê ke tepişteyê cinî Zîndanê Cinîyanê Girewte yê Bakirkoyî de ciwîyenê qisey kerd û va, ganî komel piştîdayîş bido tepişteyan.   Rêze Binpaykerdiş   Seher Dursun dîyar kerd ke Zîndanê Bakirkoyî de demanê peyênan de bi taybetî semedê peysereştişê veradayîşan xeberan de ca girewto û ard ziwan ke tepişteyî zaf binpêkerdişan dir rî bi rî yê. Seher Dursun va, “Aşmanê peyênan de, pratîkê qedexekerdişê serê solan babetêka germ bî. Çi sandalet bê, çi zî terlîk, tepişteyê cinî ê ke semedê muracatan yenê, nameyê cigêrayîşî de rastê nê qedexeyan yenê. Semedê nê cezaya dîsîplînî ameya birnayîş. Nê cezayê dîsîplînî tena înfazê kesanê ke cezayê înan kêm mendebî taloq nêkerd, eynî wextî de zî înan neqlkerdiş û pêvînayîşan ra mehrûm kerd. Nê pratîkî zî bi caardişê tepişteyê zereyî do peynî biameyîne. Îdareyî nê ser o cipersayîş da destpêkerdiş, la nê cipersayîşî bêceza ameyî betalkerdiş. Nê wareyî de, tepişteyan çîyêk bi dest kerd. Dima ra, babeta sazkerdişê kamerayan vejîya werte. No hîna zî babetêk germ o. Ê ge bi ge hewldayîş kenê. Problemê kamerayan wextêk derg o ke zîndan de babetêka germ a. Tepişteyan derheqê dîyayîşê cayanê xo yê taybetî de zaf çalakî kerdî û serkewtiş bi dest kerdî. Semedê nê helwestî, tepişteyan zaf reyan cezaya dîsîplînî girewt.”   Persê ‘Çira hende zaf wanenê?’   Seher Dursun tewr zêde va ke “poşmanî” tepişteyê cinîyan ser o yena ferzkerdiş û dîyar kerd ke no hêrişêk o ke armanc keno îradeyê tepişteyê şorişgiran bi zorî teslîm bigîrê. Seher Dursun, bale ant ser Elif Vural Yaş ke tepişteya 31 serrî Zîndanê Cinîyanê Bakirkoyî de ya û va, “Tepişteyî rastê sûcdarîyê zêde yenê. Elifa ra persayê çira semedê serra akademîk ya 2025-2026ine muracat nêkerda. Veradayîşê Elifî di reyî ame taloqkerdiş. Aye muracat red kerd û va, ‘Lazimîya min çin a ez şêrî mektebêk newî.’ Aye zîndan de xeylêk beşanê cîya wenda. Wende yan nê muhîm nîyo. Heyet, bi pêroyî kesê ke zaf wendê pers keno, ‘Çira şima wina zaf wendo?’ Yê ke nêwendê zî pers keno, ‘Çira şima nêwendo?’ Na rewşêka taybetî ya. Xêrcê dozgerî, heyetî de pisporek hûqûqî çin o. Tepişteyê ke cezayê xo qedênayê azadîya xo ra bêpar ê.”   ‘Lazim o ke komel bale bianco zîndanan ser’   Seher Dursun wina domna: “Veradayîşê Elife di reyî taloq bîyo. Taloqkerdişê hîrêne şeş aşmî bi qerarêk ke 24ê teşrîna verêne de ameyo dayîş, virazîya. No tena hedîseyêk nîyo. Na rewşa xeylêk tepişteyanê şorişgiran o. Hetê hûqûqî ra, çîyêk ke ma eşkenê bikerê sînordar o. Ganî komele na rewşe qebul bikero. Ganî tena peysereştişê înfazan nê, heme wextî de binpaykerdişê heqê merdiman ê ke zîndanan de benê zî qebul bikero. Ganî komel bale bianco zîndan ser.”