Riha û Semsûr de çalakîyê 25ê Teşrîna Peyêne  

2025-11-08 12:39:28


	 

	RIHA - Riha û Semsûr de, çarçewaya 25ê Teşrîna Peyêne de bernameyêk ame organîzekerdiş û ame dîyarkerdiş ke hemverê kiştiş û şîdetî de têkoşîn bikerê. 

	 

	Riha û qezaya Bulamî ya Semsûr de, çarçewaya çalakîyê 25ê Teşrîna Peyêne Roja Têkoşînê Hemverê Şîdetê Hemverê Cinîyan de bernameyêk ame organîzekerdiş. 

	 

	Riha de bi tewrbîyayîşê hemşaredaran, esnafê cinî ameyî ziyaretkerdiş, derheqê manaya roje de qiseykerdiş ame kerdiş. Cinîyan bername de sloganê “Bijî berxwedana jinan” û “Jin, jiyan, azadî” berz kerdî. Dimayê serdayîşê esnafan cinîyan heta Parka 4ê Nîsane rayîr ra şî. Dima ra Hemşaredara Xelfetî Saniye Bayram ke vera ci qeyûm ame tayînkerdiş qisey kerd û bala ant roje û silam Fîgen, Leyla, Ayşe rê şirawit. Saniye Bayram, dîyar kerd ke hemverê şîdetî do bêmabêne têkoşîn bikerê. 

	 

	Bername bi sloganê “Jin, jiyan, azadî” peynî bî.