
Şaredarîya Peyasî ra hemverê şîdetê cinîyan de qerarêk muhîm  

2025-11-07 15:45:55


	&nbsp;

	AMED - Meclîsê Şaredarîya Peyasî kombîyayîşê aşma teşrîna peyêne de qerarêk muhîm girewt. Meclîs bi rayanê yewgirewte “Belgeyê Helwestî Yê Têkoşînê Hemverê Şîdetê Ke Xo Cinsê Komelî Ser O Seperneno” qebul kerd.

	&nbsp;

	Kombîyayîşê Meclîsê Şaredarîya Peyasî yê aşma teşrîna peyêne Salona Kombîyayîşê Meclîsî de virazîya. Kombîyayîşî de pêşnîyazê “Belgeyê Helwestî Yê Têkoşînê Hemverê Şîdetê Ke Xo Cinsê Komelî Ser O Seperneno” ke hetê cinîyê endamanê meclîsî ra amade bî û bi kurdkî û tirkî ame wendiş, ame pêşkêşkerdiş.

	&nbsp;

	Pêşnîyazî de ame vatiş ke na belge xebatêka muhîm a semedê vernîgirewtişê heme tewirê şîdetê serê cinîyan, bi hawayêko têduşt, azad û asayîşî beşdarîya cinîyan her wareyê cuya komelî de û bi hêzdarîya têduştîya cinsî sewîya herêmî û têkoşînê hemverê şîdetî. Dima ra pêşnîyazê belgeyî bi rayanê yewgirewte ame qebulkerdiş. Cinîyê Endamê Meclîsê Şaredarîya Peyasî ke beşdarê kombîyayîşî bî, qerar bi pirodayîşê çepikan qebul kerdî.

	&nbsp;

	Dima ra raydayîşî Hemşaredara Bêrîvan Gulşen Sîncar qiseykerdişêk kerd û va: “No qerar zaf qîymetdar o. Ma do tena bi vatişan nê, la bi têkoşîn her wareyê cuye de nê qerarî bica bîyarê û derbasê pratîkî bikerê.”

	&nbsp;

	Dimayê qiseykerdişan pêşnîyaz ame îmzakerdiş û kombîyayîşê meclîsî peynî bî.

	&nbsp;