Kaybaza Helebçeyî rê xelate ameye dayîş 

2025-11-06 15:26:21


	 

	MERKEZÊ XEBERAN - Kaybaza Helebçeyî Toran Umîd Qadir semedê kayê xo yê bi nameyê "Zerwê", ke roja peyêne ya 9ine Festîvala Tîyatroyê Kuçeyan ê Mîyanneteweyî de Kerkûk de ame kerdiş, xelata Kaybaza Tewr Baş yê Kayî girewte.

	 

	Roja peyêne ya 9ine Festîvala Tîyatroyê Kuçeyan ê Mîyanneteweyî ke bajarê Kerkûk ê Başûrê Kurdistanî de yeno kerdiş, kayê "Zerwê" ke hetê Hewrê Hadî ra ame nuştiş û rejîsorkerdiş, sey berardişêk hembeş ê Îdareyê Kultur û Hunerê Helebce û Yewîya Hunermendanê Kurdistanî / Şaxa Helebce ame nawitiş.

	 

	Toran Umîd Qadir, ke kayî de rol girewta, semedê performansê xo yê verçimî xelata "Kaybaza Tewr Baş" girewte.

	 

	Festîvale de komê tîyatro yê 20 welatan ra, mîyanê înan de Herêma Kurdistanî, Iraq û welatê bînan ê dinya zî estbî, tewrê ci bîyî.