
Şînê Zozan Ayaz bi girseyî ame zîyaretkerdiş

2025-10-27 15:46:37


	&nbsp;

	&nbsp;

	WAN - Şînê gerîlaya YJA Starî Zozan Ayaz ke 13ê Hezîrana 2018ine de Herêma Federe ya Kurdistanî de pêrodayîşêk de dinyaya xo bedelnabî, bi girseyî ame zîyaretkerdiş.&nbsp;

	&nbsp;

	Gerîlaya YJA Starî Zozan Ayaz (Berçem Berxwedan), 13ê Hezîrana sala 2018ine de Herêma Federe ya Kurdistanî de pêrodayîşêk de dinyaya xo bedelnaye. Semedê Zozan Ayaz Taxa Mamedalan ê qezaya Qelqelî ya Wanî de şîn ame ronayîş.&nbsp;

	&nbsp;

	Bi seyan kesî şîyî serdayîşê şînî. Destûr nêame dayîş ke şîn taxa ke şarê taxe bi îmkanê xo awan kerdibî, bidê ro. Nê ser de keye baxçeyê keyeyî de çadirêke de şînê xo da ro. Şîno ke di rojî verê amebi ronayîş, ewro bi wendişê mewlûdî peynî bi.

	&nbsp;