Nasim Gulamî Sîmyarî peynîya grevê xo ard 

2025-10-23 14:55:54


	 

	MERKEZÊ XEBERAN - Aktîvîsta sîyasî û komelê sivîlî Nasim Gulamî Sîmyarî ke Zîndanê Evîne de tepişte ya, eşkera kerd ke dimayê mektubanê piştdayîşî ke hevalanê aye, pawitoxê heqanê merdiman û tepişteyanê verînan ra ameyî, fek grevê vêşanîya xo ra veradaya.

	 

	22ê teşrîna verêne de aktîvîsta komelê sivîl û tepişteya sîyasî Nasim Gulamî Sîmyarî ke Zîndanê Evîne de tepişte ya, bi mektubêke va ke piştdayîş û waştişê aktîvîstanê komelê sivîl û hevalanê xo fek grevê vêşanîya xo ke 10 rojan dewam kerd veradaya.

	 

	Eşkerayîyêk hesabê Instagramî yê Nasim Gulamî Sîmyarî ra ame dayîş û wina ame vatiş: “Mi mektubê şima ke bi hezkerdiş û hîsanê berpirsîyarî amebî nuştiş, wend û mi şima zerrîya xo de hîs kerd. Her cumleyê şima rojê ke ma pîya derbas kerdî ard vîrê mi; rojê ke ma dejan açarnabî xoverdayîş.”