Kultur û Hunerî yê Ekînî ame akerdiş 2025-10-18 10:06:47   STENBOL - Ozge Nîsa Eker da zanayîş ke Kultur û Hunerî yê Ekînî komunêka newî ke ciwan û şar ziwan û kulturê xo bi hawayêk azad ciwîyenê û vinderê awan keno û va: “Lazimîya her kesî bi nê wareyî est a.”   Kultur û Hunerî yê Ekînî qezaya Avcilarî ya Stenbolî de çarçewaya programanê kultur û hunerî de 12ê teşrîna verênê de ame akerdiş. Kultur û Huner yê Ekîn hemleyê kulturî wetayêr, semedê cinî û ciwanan û heme şarî ke kultur, ziwan û tarîxê xo bi hawayêko azad biciwîyê û pare bikerê, berê wareyanê komunî akeno. Yew ji armancanê tewr muhîman ê sazgehî awankerdişê “komunê kulturî” yo. Kultur û Hunerê Ekînî ra Ozge Nîsa Eker armancê akerdişê sazgehî neql kerd. Ozge Nîsa Eker va ke sebebê tewr girde yê akerdişê merkezî no yo ke her kes kulturê xo bi hawayêko azad biciwîyo û va: “Ma wexto ke nê merkezî akerd, ma waşt ke her kes deyîra xo û wareyêk ke eyîdê înan o hîs bikerê. Semedî lazimî ma cayêk wina akerd. Çike hemverê xeylê kes û nasnameyan polîtîkayanê şerê taybetî û asîmîlasyonî est ê. Nê polîtîkayanê kulturî û polîtîkayanê şerî esasen kulturî ser o yê. Çike wazenê şar nasname û kulturê xo dûr bikewê û nê semedî ra vernî de kulturî wedarenê. Hewl danê yew tîpê cematî awan bikerê. Ma zî hemverê nê waşt ke nê wareyî awan bikerê.”   ‘Armancê ma komunê kulturî yo’   Ozge Nîsa Eker va ke no wareyê kultur û hunerî ke her kes tîya de xo îfade bikero yo û nê çî va: “Lazimîya şarî bi nê estbî. Merkez do bibo cayêk ke cinî, ciwan û cemat kulturê xo tîya de biciwîyo, şîîr û kilamanê xo vajo. Nika ra tepîya ma do hîna zaf gird bibê. Belkî dima ra ma bi konseptanê cîyayan do bajarê bînan de zî merkez akerê. Ma tîya de bi şarê tîya kewtî rayîr. Ma pîya komunêk awan kenê. Cematê ma tenya na taxe ra pê nîno. Ma nê hişmendîya de yê. Armancê ma no yo ke ma wareyê bînan de zî akerê. Xeylê planê ma est ê. Ma venga heme ciwanan kenê, bêrê ma pîya komunê kulturî awan bikerê. Armancê ma no yo ke ma bi serkêşîya cinîyan xo aver berê.”