Serrgêra 10ine yê Qirkerdişê 10ê Teşrîna Verêne de cigêrayîşê edaletî 

2025-10-09 15:58:11


	 

	ANQARA - Komîsyonê Avûkatan ê Dewaya 10ê Teşrîna Verênê û Komeleya Aştîya 10ê Teşrîna Verênê bi wesîleya serrgêra 10ine ya Qirkerdişê Garî yê Anqarayî de 10ê Teşrîna Verênê raporê xo bi raya pêroyî dir pare kerd.

	 

	Komîsyonê Avûkatan ê Dewaya 10ê Teşrîna Verênê û Komelê Aştîya 10ê Teşrîna Verênê bi wesîleya serrgêra 10ine ya Qirkerdişê Garê Anqarayî yê 10ê Teşrîna Verênê raporê xo Anqara de raya pêroyî dir pare kerd. Raporo ke “Cigêrayîşê edaletî de 10 serrî” de vatî ke cipersayîşê qirkerdişê 8 aşman binê qerarê nimite de ame kerdiş, delîlî ameyî tarîkerdiş û cigêrayê cayê hedîse goreyê ûsûlan nêame kerdiş.

	 

	Ame vatiş ke yew aşmî verê îstîxbaratê qirkerdişê “DAÎŞ Tirkîya de amadekarîya çalakîyêk girdî keno” ameyo dayîş, la verê çiman de nêgirewtê û vatî ke asayîşê wareyê mîtîngî kêm bî û tena 76 polîs ameyî wezîfedarkerdiş.

	 

	Raporê “Qirkerdişê bi destê dadgarîya îdarî” de vatî ke teberê kemîyê girdî yê xizmetê rayîrberdişî dadgehan qerarê bi zerrîya dewlete dayî û Dadgeha Şêwirmendî goreyê dayeyê Wezîrîyê Karê Zereyî xemsarî nêvînaye ameyo. Ame vatiş ke Dadgeha Heqê Mîrdiman ê Ewropayî zî serra 2024î qerarê “binpaykerdişê heqê cuye çin o” mexdûrî reya diyine ceza kerdê.

	 

	Avûkat Îlke Işık kombîyayîş de qal kerd û va: “Ma wazenê berpirsyarê nê qirkerdişî bêrê muhakemekerdiş.”