Şengal de gorêk komî ame vînayîş

2025-09-19 12:20:14


	 

	 

	ŞENGAL - Şengal de gorêk bîn ê komî ame vînayîş. Cayê gorê komî nasnameyê kesêk ke Sîba Şêx Xidir ame vînayîş.

	 

	Gorê komî vizêrî roniştoxê komelgeyê Sîba Şêx Xidir ke mabêne nahîyê Tilizêr de semedê keye viraznê, herre bi kepçe bar kerdêne, rastê cilûbelg û esteyê aîdê merdiman ameyî. Gorê komî de nasnameyê aîdê Seydo Ebas Çûko ke hemwelatijê komelgeyê Sîba Şêx Xidir o û  fermanê 3ine tebaxa 2014ine ra vînî yo, mîyanê herre de ame vînayîş.

	 

	Şengal de demê vejîyayîşê gorê komî ame eşnawitiş, keyeyê cangorîyê fermanî û saziyên sivilî yê Şengalî amehî cayê gorê komî. Keye û berpirsîyarîyê sazgehê sivilî hukmatê Federalî yê Iraqî waştî ke demêk rew tîmî ke gorê komî ser o kar kenê bêrê awankerdiş.

	 

	Hêzê asayîşî derûdorê cayê ke yeno texmînkerdiş gorêk komî yê demê fermanî yo, bende antê û çît dayî ro.