
Sushîla Karkî bî serekwezîra Nepalî 

2025-09-13 12:22:17


	&nbsp;

	MERKEZÊ XEBERAN - Sereka verî ya Dadgeha Berzî Sushîla Karkî sey serekwezîra demkî sond werd û bî serekwezîra cinî ya ewilî ya Nepalî.&nbsp;

	&nbsp;

	Nepal de krîzê sîyasî ke hemverê qedexekerdişê medyaya dîjîtale de dest pêkerd û dima ra agêra protestoyê girseyî, bî sebeb ke Serekwezîr Khadga Prasad Sharma Olî îstifa bikero. Nê dir welat de berê serdemêk newe abî. Sereka verî ya Dadgeha Berzî Sushîla Karkî, sey serekwezîra demkî dest bi kar kerd. Yeno pawitiş ke weçînayîşê newe, 5ê Adara 2026ine de bêrê kerdiş.&nbsp;

	&nbsp;

	Goreyê çapemenî, Sushîla Karkî, ofîsa Serekkomarê Nepalî Ram Chandra Paûdel de bi merasîmêk sond wend û dest bi karê xo yê serekwezîrî kerd. &nbsp;No anketê online yê hetê çalakîkeran ra Discord ser o ame viraştiş de, destekdayîşêk pîl semedê Sushîla Karkiyî da teber. Bi no hawa Sushîla Karkî, tarîxê welatî de bî serekwezîra cinî ya ewilî.&nbsp;

	&nbsp;

	Goreyê eşkerayîya hetê ofîsa serekwezîrî ame kerdiş, Ram Chandra Paudel, goreyê fikrê Sushîla Karkiye meclis fesix kerdo û yeno pawitiş ke weçînayîşê newe 5ê adara 2026ine de bêro kerdiş.

	&nbsp;