
Dadgeha Îranî 12 aşmî cezaya zîndanî da aktîvîstêke 

2025-08-26 15:40:03


	&nbsp;

	&nbsp;

	MERKEZÊ XEBERAN - Dadgehêke Îranî 12 aşmî cezaya zîndanî da aktîvîste Mutehere Guneyî.

	&nbsp;

	Goreyê malpera Vengê Destbendkerdişê Kurdan û Îranî, şubeyê 29ine yê Dadgeha Şorişî ya Tahranî, 12 aşmî cezaya zîndanî aktivîsta heqê cinîyan Mutehere Gûneyî birna.

	&nbsp;

	Ame vatiş ke ceza bi sebebê "Propagandaya hemverê dewlete û bêrêzîyê hemverê rayberê dînî yê Îranî", Mutehere Guneyî rê birna.

	&nbsp;

	Erjê vatişî yo ke Mutehere Guneyî aktivistêke heqê cinîyan û tepişteya verî ya sîyasî ye. Muteher Guneyî 1ê hezîrana emserî de, demê şerê mabêne Îran û Îsraîlî de, hetê hêzê Îranî ra bêfermanê dadwerî amebî destbendkerdiş û aye şirawitibî zîndanê Evîne. La dima semedê hêrişê Îsraîlî yê zîndanê Evîne ser, bi tepişteyanê bînan dir semedê zîndanê Qerçek amebî berdiş û dimayê 24 rojan bi hawayêk demkî amebî veradayîş.

	&nbsp;