Şehîdê çapemenîya azad ameyî yadkerdiş 

2025-08-23 14:57:23


	 

	 

	QAMIŞLO - Şehîdê çapemenîya azad Hêro Bahadîn, Gulistan Tara, Necmendîn Feysel û Argêş Serhed bi çalakîyêke ameyî yadkerdiş. Çalakî de sozê dewamkerdişê cigêrayîşê înan ê heqîqetî ame dayîş.

	 

	JIN Produksiyon bajarê Qamişlo yê Bakur û Rojhelatê Sûrîye de şehîdê çapemenîya azad Hêro Bahadîn û Gulistan Tara yê ke 23ê Tebaxa 2024ine de Silêmanî de bi hêrişê dewleta tirkan şehîd bî, Necmendîn Feysel 23ê tebaxa 2023ine de bi hêrişê dewleta tirkan ê Rojawanî şehîd bî û Argêş Serhed ke bi hêrişê dewleta tirkan birîndar bîbî û di rojî verê şehîd bî, merasîmêk yadkerdişî organîze kerd.

	 

	Merasîm, Merkezê Mihemed Şêxo yê Kultur û Hunerî de ame organîzekerdiş. Keyeyê Necmedîn Feyselî, heval û meslegdarê Gulistan, Hêro û Argêşî beşdarî merasîmî bî.

	 

	Merasîm, bi yew deqe rêzgirewtişî dest pêkerd. Dima ra cuya Gulistan Tara, Hêro Bahadîn û Necmedîn Feyselî ser o sînevîsyonêk ame temaşekerdiş.

	 

	Nameyê Jin Produksiyanî ser o Loristan Derwîş, YRJ’î (Yewîya Neqlkerdişê Cinî) ra Arîn Suwêd û YJA (Yewîya Neqlkerdişê Azad) ra Evîn Îbrahîm qisey kerd. Mesajê bi dîmen ê waya Gulistan Tara zî ame goşdarîkerdiş.

	 

	Sewbîna mesajê Komunê Dokumanter ê Şehîd Gulistan Tara ke semedê merasîmê yadkerdişî şirawitibi ame wendiş.

	 

	Rojnamegere Gulistan Xalid û Stêrk Gulo zî yadkerdişê xo yê Gulistan Tara dir ard ziwan.

	 

	Tewr peyîn koma Şehîd Mizgîn semedê şehîdê çapemenîya azad deyîran vat.

	 

	Çalakî bi sloganan peynî bî.