
Semedê komîsyonî do 3 kesê neweyî bêrê dîyarkerdiş

2025-08-11 14:04:41


	&nbsp;

	ANQARA - Partîya ÎYÎ, tu endamê xo semedê komîsyonî nêşirawit û nê ser de Serekê Meclisî Nûman Kurtulmuş DEM Partî, AKP û CHP’yî ra waşt ke înan ra yew endamêk/e bişirawê.&nbsp;

	&nbsp;

	Semedê “Komîsyonê Pêgirewtişê Neteweyî, Wayê-Biratî û Demokrasî” cayê 3 endaman, Partiya ÎYî rê dîyabi. Labelê tu endamê xo komîsyonî rê nêşirawit. Nê ser de Serekê Meclisî Nûman Kurtulmuş semedê pirrkerdişê cayê nê endaman, waştiş DEM Partî, AKP û CHP’yî rê kerd ke her yew înan rê endamêk/e komîsyonî rê bişirawê. &nbsp;

	&nbsp;

	Goreyê agahîyê Serekîya Meclisî pare kerd, Nûman Kurtulmuş Serekîya Komê Meclisî yê AKP, CHP û DEM Partîye rê nuşte şirawit û waşt ke her yew înan ra semedê komîsyonî endamêk/e dîyar bikerê.&nbsp;

	&nbsp;

	Komîsyon de nika 21 endamê AKP’yî, 10 endamê CHP’yî, 4 endamê DEM Partîye, 4 endamê MHP’yî, 3 endamê Partîya Yenî Yolî, endamêk TÎP’î, endamêk EMEP’î, endamêk Partiya Çep, endamêk HUDA PAR’î û endamêk Partiya Demokratî est o.

	&nbsp;