
Diyîne roniştişê Narîn Gurane siba yo 

2024-12-25 11:34:38


	&nbsp;

	&nbsp;

	AMED - Diyîne roniştişê Narîn Gurana 8 serrî Amed de ameye qetilkerdiş, siba yeno kerdiş.

	&nbsp;

	Tuta 8 serrî Narîn Guran 21ê Tebaxe de dewa Çulî ya qezaya Rezanî ya Amedî de vînî bîbî û cenazeya aye 8ê êlule de ame vînayîş. Derheqê qetilkerdişê Narîn Gurane de reaksîyonê vera rayaumûmî roj bi roje pîl bîyî. Her hetê komelî ra wayîrê dewaya Narîn Guran vejîyayî û no zî averşîyayîşê dosyaye xo dir ano. Her çiqas cipersayîş de kêmasî û qelsî bibê zî reaksîyonê komelî dewaya Narîn Gurane roj bi roje pîl kerd û arde heta ewro. Sewbîna rojê vîyarte de dozgerî mutalaya xo ya pêşkêş kerd de derheqê 4 şikdaran de sûcê ‘îştiraqê qestî kese kiştiş’ cezaya muebetê giran waşt.

	&nbsp;

	Yewin roniştişê Narîn Gurane 7ê teşrîna peyêne de ame vînayîş û hîrê rojan dewam kerd. Seranserê roniştişî de îfadeyê bi nakokî yê şikdaran bale ant.

	&nbsp;

	Netîceya îfade û pawitişê ke ame kerdiş de heyetê dadgehe waştişê beşdarbîyayîşî yê muştekî Arif Guran qebûl kerd, nameyê ey sey beşdar qebûl kerd û waştişê tewrbîyayîşî yê Baroyê Amedî û Wezaretê Keye û Polîtîkayê Komelî qebûl kerd, tewrbîyayîşê avûkatan red kerd. Avûkatê Arif Guran û keso bi nameyê Baran Guran sey gerrekerdox bi name kerd û semedo ke ameyox de serê waştişê Ramazan Atasoy sey şahid bêro goşdarîkerdiş, waştişê vîdeoyî kerd. Qerar ame dayîş ke waştişê goşdarîkerdişê şahidî qebûl bikero, averşîyayîşê muhtewayê raporo ke dosya de ameyo binamekerdiş, waştişê dîmenê kameraya nêweşxaneyî yê hetê avûkatan ra ameya waştiş û dewamkerdişê tepiştişê şikdaran da.

	&nbsp;

	Dewa, taloqê 26ê Kanûne kerde.

	&nbsp;